Lebaran di Rancabanyol 3
Kuwu Iwan mah boga kabiasaan mun tiap rek lebaran teh sok ulin ka tiap imah warga Rancabanyol. Alesanana:
"Salaku pamingpin, urang mun bisa mah ngadatangan rahayat. Tong nitah rahayat datang ka imah! Jadi nu open house teh kuduna rahayat, lain pejabat!" beurat eta omongan teh mun kadenge ku nu ngawasa nagri balakasadut mah.
Jiga jam 11 beurang ieu, manehna kajeun hudang sare ge maksakeun nyaba ka wargana. Mimitina Kuwu Iwan ngadatangan imah Mang Jojo. Katingal Mang Jojo keur cicing di hareupeun imah, ngawas bonsai jeung manukna.
"Teu mudik Pa Kuwu teh?"
"Ah, henteu. Di dieu we. Panan lembur mah di dieu. Tadina mah rek mudik ka Palangkaraya!"
"Euleuh, geuning tebih Pa Kuwu teh! Asli ditu?"
"Puguhan uing ge lieur. Rek mudik ka ditu teh euweuh sasaha. Nyobaan nyaba ka ditu ge acan pernah saumur hirup!"
"Na ari Pa Kuwu sok lieur sorangan." Mang Jojo kesel geus diheureuykeun ku Kuwu sorangan teh.
Teu lila maranehna diuk dina bangbarung. Ngadubako.
"Lain euy! Ari lebaran teh sabaraha poe deui?"
Mang Jojo ngahuleng.
"Ari Pa Kuwu heureuy?"
"Sumpah demi! Kuring mah serieus nanya. Ari lebaran teh isuk atawa pageto?"
"Ari Kuwu kamana wae? Panan tadi isuk geus salat iedna ge!"
Giliran Kuwu Iwan ayeuna nu ngahuleng. Beu! Kieu ari hirup pohoan teh. Salah sorangan atuh, minggu kamari bet nganteurkeun anak pamajikan ka lemburna. Jadi we di imah euweuh nu ngingetan. Komo kabeukina sare mah, tadi peuting sora takbir jeung dulag ge teu kadenge. © Abah Amin
"Salaku pamingpin, urang mun bisa mah ngadatangan rahayat. Tong nitah rahayat datang ka imah! Jadi nu open house teh kuduna rahayat, lain pejabat!" beurat eta omongan teh mun kadenge ku nu ngawasa nagri balakasadut mah.
Jiga jam 11 beurang ieu, manehna kajeun hudang sare ge maksakeun nyaba ka wargana. Mimitina Kuwu Iwan ngadatangan imah Mang Jojo. Katingal Mang Jojo keur cicing di hareupeun imah, ngawas bonsai jeung manukna.
"Teu mudik Pa Kuwu teh?"
"Ah, henteu. Di dieu we. Panan lembur mah di dieu. Tadina mah rek mudik ka Palangkaraya!"
"Euleuh, geuning tebih Pa Kuwu teh! Asli ditu?"
"Puguhan uing ge lieur. Rek mudik ka ditu teh euweuh sasaha. Nyobaan nyaba ka ditu ge acan pernah saumur hirup!"
"Na ari Pa Kuwu sok lieur sorangan." Mang Jojo kesel geus diheureuykeun ku Kuwu sorangan teh.
Teu lila maranehna diuk dina bangbarung. Ngadubako.
"Lain euy! Ari lebaran teh sabaraha poe deui?"
Mang Jojo ngahuleng.
"Ari Pa Kuwu heureuy?"
"Sumpah demi! Kuring mah serieus nanya. Ari lebaran teh isuk atawa pageto?"
"Ari Kuwu kamana wae? Panan tadi isuk geus salat iedna ge!"
Giliran Kuwu Iwan ayeuna nu ngahuleng. Beu! Kieu ari hirup pohoan teh. Salah sorangan atuh, minggu kamari bet nganteurkeun anak pamajikan ka lemburna. Jadi we di imah euweuh nu ngingetan. Komo kabeukina sare mah, tadi peuting sora takbir jeung dulag ge teu kadenge. © Abah Amin
Follow:
