9 Carita Sekdes Rancabanyol
#1
"Sok kumaha usulan ti Sekdes yeuh pikeun ngokolakeun dana pangwangunan desa kalayan hemat?" tanya Lurah.
"Abdi gaduh usul Pa Lurah!" ceuk Sekdes tandes.
"Usul naon?"
"Kumaha lamun di urang didamel pacilingan dua tingkat?"
"Siah! Kumaha nu cingogo di handap?"
"Abdi gaduh usul Pa Lurah!" ceuk Sekdes tandes.
"Usul naon?"
"Kumaha lamun di urang didamel pacilingan dua tingkat?"
"Siah! Kumaha nu cingogo di handap?"
#2
"Keur naon siah eta muka Facebook ngan ningalian foto Nyi Iroh!" ceuk Hansip diuk gigireun Sekdes.
"Hehehe... keur ngadownloadan fotona. Uing rek melet Nyi Iroh. Jigana jetu tah mun dipelet, panan di Facebook mah aya foto jeung tanggal lahirna lengkep! Ari dihaja-haja menta fotona mah hese!"
#3
"Uing eleh deui taruhan mengbal jeung Jang Ipan!" ceuk Sekdes semu ngutruk.
"Memang pertandingan mana nu dipake taruhan?" tanya Kang Nanang.
"Eta geuning nu peuting jam sapuluh di tipi one!"
"Yeeeeh... ari ilaing. Panan eta mah siaran ulang!"
#4
"Uing kasep, nya?" Sekdes nanya ka Nyi Odah.
"Cihhhhhhhh!" ceuk Nyi Odah bari ngejat.
"Mih, abdi kasep, nya?" Sekdes nanya ka Amih Ade.
"Teuing!" sarua Amih ge ngejat.
"Ceu, abdi kasep, nya?" Sekdes nanya ka Nyimas.
"Muhun. Kasep pisan Sekdes mah!" jawab Nyimas.
Eta mah, Sekdes jug ngodok pesak... mere duit saratus rebu ka Nyimas.
Nyimas ngan bati olohok dibere duit teh. Hatena mah ngagerenyem:
"Padahal kuring mah bohong ngomong kitu teh!"
#5
"Bejana kamari meunang doorprize pas acara jalan sehat? Cenah Hansip meunang hadiah radio?" tanya Bah Ocin.
"Enya. Si Jang Epul malah meunang kulkas 2 pintu. Ngan ka uing mah seblu Lurah mah mere hadiah teh! Jiga nu ijid we ka uing teh" jawab Sekdes ngutruk.
"Naha kitu?"
"Mere hadiah dibungkus leutik. Sugan teh wadah pulpen atawa HP. Ari pek pas dibuka hadiahna, hayang apal? Remote TV! Nanaon deuleu ari ngan remote-na wungkul mah?"
#6
"Mang, naha meuli beo teh, pas di imah beona teu daek disada wae?" tanya Sekdes.
"Wah, kedah registrasi heula panginten supados langsung aktif!"
"Nu dagang gelo... siah! Heueh da meuli kartu perdana!"
#7
"Hahahhaa...beunang dijailan siah!" Sekdes ngabarakatak.
"Jail naon Des?" tanya Cep Edoy.
"Eta tadi liliwetan di imah Ki Camat. Nu dahar liwet teu apaleun yen liwetna diciduhan ku uing. Matakna uing teu milu dahar liwet ge. Uing mah ngeunah we ngadahar pizza nu aya di dapur! Pizza tea karesep uing. Aya hiji-hijina langsung dihablemkeun we. Kesiaan deh lu... gak kebagian. Hahahaha....!"
"Yeh! Keu heula! Pizza sapotong nu deukeut rak piring?"
"Enya!"
"Apanan eta mah umpan beurit! Geus dibere racun beurit ku Ibu Camat! Ngahaja diteundeun di dinya ge, da beurit sok ngaliwat ka dinya! Naha ilaing teu apal kitu? Da nu lain mah dibejaan!"
#8
Pas ulin ka imah Jang Pitman.
"Pitman, geuleuh siah! Eta di kamer make ditapelan poster SM*SH sagala!" ceuk Sekdes.
"Gandeng siah. Ari eta maneh make kaos gambar Kangen Band!"
#9
"Hatciiih! Euk, euk...euk... Oho...oho..oho... waluuuuhhh neuli untu!"
"Ripuh pisan maneh mah, Des! Geus bersin disambung sisidueun...langsung batuk ngohkoh....jaba nyeri huntu!"
© Abah Amin
"Enya. Si Jang Epul malah meunang kulkas 2 pintu. Ngan ka uing mah seblu Lurah mah mere hadiah teh! Jiga nu ijid we ka uing teh" jawab Sekdes ngutruk.
"Naha kitu?"
"Mere hadiah dibungkus leutik. Sugan teh wadah pulpen atawa HP. Ari pek pas dibuka hadiahna, hayang apal? Remote TV! Nanaon deuleu ari ngan remote-na wungkul mah?"
#6
"Mang, naha meuli beo teh, pas di imah beona teu daek disada wae?" tanya Sekdes.
"Wah, kedah registrasi heula panginten supados langsung aktif!"
"Nu dagang gelo... siah! Heueh da meuli kartu perdana!"
#7
"Hahahhaa...beunang dijailan siah!" Sekdes ngabarakatak.
"Jail naon Des?" tanya Cep Edoy.
"Eta tadi liliwetan di imah Ki Camat. Nu dahar liwet teu apaleun yen liwetna diciduhan ku uing. Matakna uing teu milu dahar liwet ge. Uing mah ngeunah we ngadahar pizza nu aya di dapur! Pizza tea karesep uing. Aya hiji-hijina langsung dihablemkeun we. Kesiaan deh lu... gak kebagian. Hahahaha....!"
"Yeh! Keu heula! Pizza sapotong nu deukeut rak piring?"
"Enya!"
"Apanan eta mah umpan beurit! Geus dibere racun beurit ku Ibu Camat! Ngahaja diteundeun di dinya ge, da beurit sok ngaliwat ka dinya! Naha ilaing teu apal kitu? Da nu lain mah dibejaan!"
#8
Pas ulin ka imah Jang Pitman.
"Pitman, geuleuh siah! Eta di kamer make ditapelan poster SM*SH sagala!" ceuk Sekdes.
"Gandeng siah. Ari eta maneh make kaos gambar Kangen Band!"
#9
"Hatciiih! Euk, euk...euk... Oho...oho..oho... waluuuuhhh neuli untu!"
"Ripuh pisan maneh mah, Des! Geus bersin disambung sisidueun...langsung batuk ngohkoh....jaba nyeri huntu!"
© Abah Amin
Follow:
