Paguneman Singket Sabudeureun Pemilu

#1
"Uing mah rek Golput ah! Ameh loba duit..."
"Yeh, duit timana atuh teu nyoblos mah?"
"Golput.. GOLongan Penerima Uang Tunai!"
"Kade perhatikeun sing tenget bisi foto pahlawan nu aya na duit diganti jadi foto caleg!"

#2
"Ceuk berita, cenah basa beres Pemilu 2009 aya 7376 urang nu beunang gangguan jiwa!"
"Ganti atuh tina Caleg jadi Cagel.. calon gelo? Alusna mah, nyieun peraturan sing saha wae caleg nu gagal... kudu harakiri! Ambeh teu nambah masalah deui lah. Lalieur aing mah!"

#2
"Ari teknologi mah kaasupna jaman globalisasi..."
"Ari Pemilu?"
"Jaman gombalisasi!"

#3
"Pemilu teh kagok meni sapoe! Cik atuh ayakeun pemilu hari pertama jeung hari kedua!"
"Enya da lebaran sia mah ah! Ngomong we mumul asup gawe kituh!"

#4
"Beres Pemilu mah nu untung tukang beca!"
"Naha?"
"Eta kaos caleg sok diparake wae nepi ka kucel!"

#5
Demokrasi = pikeun jadi pihak nu eleh ge, angger kudu ngaluarkeun biaya.

#6
Ningali  baliho nu ngajejer di sisi jalan, euweuh saurang ge nu nulis: "Jika terpilih, saya tidak akan mengantuk atau tidur pada saat rapat dewan!"

#7
Peupeujeuh keur para caleg: meunang ulah sagala digaruk, eleh ulah ngamuk!

#8
"Tiap lima taun, hayoh we milih caleg, iraha kuring milih pipamajikaneun?" ceuk jomlo stadium akut.

#9
Money politik = monkey politik?

#10
"Naha mun kampanye musikna identik jeung dangdutan?"
"Da mun nyewa Justin Bieber mah saha nu kabedag atuh?"

#11
Mun kabogoh sok loba mere janji, meureun cita-citana hayang jadi caleg!

#12
"Teu resep ka si eta mah ah. Mental caleg..."
"Naon kitu?"
"Bageur teh keur aya butuhna wungkul!"


#13
Ngadukung caleg teh cenah kawas ngadorong mobil mogok. Tibeberegeg ambeh mobil sina maju, tapi mobil geus hurung mah nu ngadorong ditinggalkeun. Ngan kabere mulek haseupna wungkul.

Follow: