Ngitung Domba

Harita Jang Parmin dititah ngangon domba ku Juragan Ajoy ka Pasir Ipis. Eta domba Juragan Ajoy mah aya saratus leuwih. 

"Cik Jang, saacan maneh ngasupkeun domba ka kandang. Itung heula nya! Bisi we jumlah dombana jadi ngurangan!" ceuk Juragan Ajoy.

"Siap Juragan!" jawab Jang Parmin.

Jang Parmin tuluy indit ka palebah domba-domba nu keur nyaratu. Juragan Ajoy mah asup deui we ka imah. Kurang leuwih sajam, Jang Parmin nepungan deui Juragan Ajoy.

"Kumaha Jang? Sabaraha cik jumlah domba teh?" tanya Juragan Ajoy.

"Euh, domba teh aya 120 Juragan!"

"Pinter maneh. Kumaha tah bisa tenget kitu euy ngitung jumlah domba teh?"

"Gampil juragan. Ku abdi dietang sadaya suku domba... dijumlah-jamleh sukuna aya 480, teras we dibagi 4. Janten jumlahna sadayana domba teh aya 120!"

(Abah Amin)

Follow: