Bapa Pisan Eta Mah!

"Pa, atuh Pa... nyuhunkeun cicis!" ceuk budak Camat Wira nu kahiji.
"Muhun, abdi ge bade meser cilok!" budak nu kadua embung eleh.
Camat Wira tuluy ngodok saku. Manehna nembongkeun duit dua puluh rebu.
"Tah, cik ayeuna mah urang sayembara. Nu tiasa ngawaler patarosan Bapa, ieu artos dipasihkeun ku Bapa!"
"Patarosanna naon Pa?" ceuk budak nu kahiji.
"Saha di bumi ieu nu paling nurut ka Mamah? Tara ngalawan ka Mamah? Sareng sok sieun pami Mamah ngambek?" tanya Camat Wira.
"Ah, tos ah... artosna eta mah milik Bapa!" ceuk budak nu kadua.
"Muhun, tos we kanggo Bapa! Bapa nu kenging sayembara. Wios abdi mah teu jajan ge.." ceuk budak nu kahiji bari tuluy ngajak adina ulin ka imah uwana.

Camat Wira ngan garo-garo teu ateul.

(Abah Amin)

Follow: