Nasib Cep Edoy

Hiji waktu, Cep Edoy ulin ka leuweung. Manehna hayang nyobaan asup ka guha nu katelah loba lalay. Manehna dianteur ku Mang Undang nu biasa jadi guide.
"Kumaha Cep, bade ka lebet guha teh?"
"Muhun. Namung, wios abdi nyalira we nu lebet. Hoyong ngajajal eusi guha. Ari nyalira mah tantanganna langkung karaos. Anggap we ngetes uji nyali. Emang mah antosan we di dieu.."
"Siap ari kitu mah!" jawab Mang Undang.

Cep Edoy tuluy asup mapay-mapay jero guha bari nyorotkeun batre. Geus sababaraha pupuh meter:
"Maaaang. Naha geuning teu aya lalayaan..an..an..an..an..an?" tanya Cep Edoy ti jero guha, sorana ngagema.
"Muhun Cep. Panan kamari seep dihakanan oray badag nu aya di lebet..bet..bet..bet..bet!" jawab Mang Undang bari ngabaheuhay ngelepus udud bako.

 

Follow: