Tihang Listrik
Di pos ronda Rancabanyol, jam 11 peuting nu giliran ronda geus ngarumpul."Lain euy, cik atuh ari ngaronda teh nepi ka subuh. Hayoh we uing nu giliran parat nepi ka subuh teh. Ieu mah jam hiji ge geus malolor!" Komandan Hansip geus ngutruk.
"Lah, da nanaonan atuh beunta nepi ka subuh ge ari angger euweuh bangsat wae mah!" ceuk Mang Ndien.
"Enya. Ngaronda geus aya ka lima taunna can pernah aya bangsat hiji-hiji acan!" Mang Mulyana mairan.
"Heueuh oge. Asa geus lila euweuh tewakkeun ieu teh. Sono ngagebugan bangsat!" ceuk Hansip bari nyuruput cikopi.
"Maenya kudu ngondang bangsat ti lembur tatangga mah?" usul Cep Edoy.
"Gelo siah Sedoy. Geus kieu ngeunah, aman jeung tingtrim! Kajeun uing jaga unggal peuting nakolan tihang listrik ge, keun bae keur jaga-jaga. Geus mangtaun-taun nakolan tihang listrik!" jawab Komandan Hansip.
Keur kitu, jug torojol Sekdes.
"Enya...ilaing mah Hansip hayoh wae nakolan tihang listrik saumur hirup. Tapi, cik atuh ari nakolan tihang listik teh giliran tihangna! Hayoh we ieu mah nakolan tihang listrik nu gigireun imah uing. Nepi ka kentob kitu tuh! Jadi dengdek ayeuna mah tihang listrikna. Ilaing teh kekih ka uing? Unggal janari nakolan tihang listrik nepi ka ngajelenging ceuli uing. Jabaning uing keur ngeunah-ngeunahna molor! Nakol teh make awi atawa kai atuh...der ieu mah beusi! Naon maksudna siah?" Sekdes bangun nu budal, maklum atuh masalah ieu geus kapegung geus lila pisan.
"Lah, da nanaonan atuh beunta nepi ka subuh ge ari angger euweuh bangsat wae mah!" ceuk Mang Ndien.
"Enya. Ngaronda geus aya ka lima taunna can pernah aya bangsat hiji-hiji acan!" Mang Mulyana mairan.
"Heueuh oge. Asa geus lila euweuh tewakkeun ieu teh. Sono ngagebugan bangsat!" ceuk Hansip bari nyuruput cikopi.
"Maenya kudu ngondang bangsat ti lembur tatangga mah?" usul Cep Edoy.
"Gelo siah Sedoy. Geus kieu ngeunah, aman jeung tingtrim! Kajeun uing jaga unggal peuting nakolan tihang listrik ge, keun bae keur jaga-jaga. Geus mangtaun-taun nakolan tihang listrik!" jawab Komandan Hansip.
Keur kitu, jug torojol Sekdes.
"Enya...ilaing mah Hansip hayoh wae nakolan tihang listrik saumur hirup. Tapi, cik atuh ari nakolan tihang listik teh giliran tihangna! Hayoh we ieu mah nakolan tihang listrik nu gigireun imah uing. Nepi ka kentob kitu tuh! Jadi dengdek ayeuna mah tihang listrikna. Ilaing teh kekih ka uing? Unggal janari nakolan tihang listrik nepi ka ngajelenging ceuli uing. Jabaning uing keur ngeunah-ngeunahna molor! Nakol teh make awi atawa kai atuh...der ieu mah beusi! Naon maksudna siah?" Sekdes bangun nu budal, maklum atuh masalah ieu geus kapegung geus lila pisan.
Follow:
