Fobia Ucing
Di pos ronda Rancabanyol. Nu keur garapleh...
"Eta mah euy kamari, anak uing dikoet ucing! Pipina racak tapak kuku ucing!" ceuk Sekdes.
"Gandeng siah tong ngomongkeun ucing!" lalaki nu kumisan nyentak. Sekdes jempe dihaok kitu mah.
"Enya Sekdes, tong ngomongkeun ucing. Mending ngomongkeun nu lain!" ceuk Kang Istuning.
"Enya mending kitu!" ceuk Ki Kumis hayang ngalihkeun tema omongan.
"Kamari ieu mah..." Kang Istuning mulai nyarita, "basa sore rek ulin ka Nyi Odah. Kabeneran manehna keur di MCK nu di lebak! Ku kuring ditoong...mmmmh... ari pek teh... geuning...! can tuntas Kang Istuning nyarita.
"Aya naon euy?" tanya Ki Kumis.
"Nyi Odah keur ngamandian ucing!"
"Seblu siah. Ka aing teh nya! Ganti siah tong nyaritakeun ucing!"
"Enya atuh Kang Istuning mah jiga naon wae, geus apal manehna fobia ucing. Mending nyarita nu lain nya, Ki?" ceuk Kang Mahmud.
"Tah kitu! Cik hiji-hijieun atuh nu cageur teh!" ceuk Ki Kumis bari melongkeun balak genep nu geus aya 10 kalina aya di manehna.
"Kuring mah lieur Ki, kamari dibere meri ku Jang Irfan. Eta meri teh aneh pisan ditingali-tingali teh!" Kang Mahmud mimiti nyarita.
"Memang kunaon kitu?" tanya Ki Kumis.
"Eta geura unggal poe bobogohan wae jeung ucingna Amih Ade!"
"Gelo siaaaaaah!" ceuk Ki Kumis bari ngabalangkeun kartu gapleh.
"Karunya pisan dikekeak wae nya eta aki-aki teh!" ceuk Jang Epul, "mending lalajo pilem yu Ki di imah uing! Karek meuli DVD bajakan. Karunya, hayoh wae di pos ronda mah dikekeak!"
"Tah, mending kitu Jang Epul. Hayu lah mending lalajo DVD di imah ente! Lalajo pilem naon?"
"Aya tuh DVD anyar, pilem si Garfield jeung Cat Woman!" ceuk Jang Epul bari mabur.
"Eta mah euy kamari, anak uing dikoet ucing! Pipina racak tapak kuku ucing!" ceuk Sekdes.
"Gandeng siah tong ngomongkeun ucing!" lalaki nu kumisan nyentak. Sekdes jempe dihaok kitu mah.
"Enya Sekdes, tong ngomongkeun ucing. Mending ngomongkeun nu lain!" ceuk Kang Istuning.
"Enya mending kitu!" ceuk Ki Kumis hayang ngalihkeun tema omongan.
"Kamari ieu mah..." Kang Istuning mulai nyarita, "basa sore rek ulin ka Nyi Odah. Kabeneran manehna keur di MCK nu di lebak! Ku kuring ditoong...mmmmh... ari pek teh... geuning...! can tuntas Kang Istuning nyarita.
"Aya naon euy?" tanya Ki Kumis.
"Nyi Odah keur ngamandian ucing!"
"Seblu siah. Ka aing teh nya! Ganti siah tong nyaritakeun ucing!"
"Enya atuh Kang Istuning mah jiga naon wae, geus apal manehna fobia ucing. Mending nyarita nu lain nya, Ki?" ceuk Kang Mahmud.
"Tah kitu! Cik hiji-hijieun atuh nu cageur teh!" ceuk Ki Kumis bari melongkeun balak genep nu geus aya 10 kalina aya di manehna.
"Kuring mah lieur Ki, kamari dibere meri ku Jang Irfan. Eta meri teh aneh pisan ditingali-tingali teh!" Kang Mahmud mimiti nyarita.
"Memang kunaon kitu?" tanya Ki Kumis.
"Eta geura unggal poe bobogohan wae jeung ucingna Amih Ade!"
"Gelo siaaaaaah!" ceuk Ki Kumis bari ngabalangkeun kartu gapleh.
"Karunya pisan dikekeak wae nya eta aki-aki teh!" ceuk Jang Epul, "mending lalajo pilem yu Ki di imah uing! Karek meuli DVD bajakan. Karunya, hayoh wae di pos ronda mah dikekeak!"
"Tah, mending kitu Jang Epul. Hayu lah mending lalajo DVD di imah ente! Lalajo pilem naon?"
"Aya tuh DVD anyar, pilem si Garfield jeung Cat Woman!" ceuk Jang Epul bari mabur.
Follow:
