Buka Bersama Rancabanyol - Ramadhan 1432 H
Alhamdulillah, acara buka bersama baraya Banyolan Sunda anu ka-3 tiasa lumangsung kalayan nu hadir sumping timamana. Ieu acara teh dilaksanakeun dinten Minggu, 21 Agustus 2011 di RM Suryalaya, Jln. Terusan Buah Batu, Bandung, Jawa Barat, Jawa, Indonesia, Asia Tenggara, Benua Asia, Planet Bumi, Galaksi Bima Sakti. Dina ieu riung mungpulung teh sakantenan ngabahas perkawis ngabebenah Group Banyolan Sunda anu tos dialihkeun ju juragan Facebook ka format anyar. Baraya nu sumping aya ti unggal wewengkon (sakuliah Bandung, Jakarta, Sumedang, Sukabumi, Cikarang, oge ti wewengkon sanesna). Ieu acara rutin nu dilaksanakeun rutin saban sasih Ramadhan minangka ajang silaturahmi ngaraketkeun babarayaan diantara warga Rancabanyol. Salian ti Rancabanyol, aya dihadiran oge ku baraya ti group Pacilingan sareng ti Radio Baraya Sunda. Di handap ieu dokumentasi kagiatan Buka Bersama Warga Rancabanyol - Ramadhan 1432 H.
Follow:
