0739 H3NVW

Teroris dimamana keur nyieun gangguan kamtibmas. Geus puguh ancaman-ancaman bom mah. Kajeun lolobana mah ngan saukur gertak sambal istilahna mah. Euweuh nu kajadian nepi ka bener ngabeledug. Tapi intelejen tetep awas, geus status waspada ayeuna mah. Saban cenah teroris mah boga jaringan jeung luar. Matakna teu aneh teroris bisa kakaburan ti hiji nagara ka nagara lain. Kitu oge pesen kagiatan nu rek dilaksanakeun sok datang ti luar.

Hiji waktu dinas intelejen meunang kodeu nu nyurigakeun asup ka salah sahiji SMS kasangka teroris. Eusina teh:

0739 H3NVW

Langsung eta kode teh coba dipecahkeun. Make mesin pemecah sandi teu beunang. Kepala intelejen langsung turun tangan, nitah ahli nu biasa mecahkeun kode. Kaayaan tambah harengheng. Bisi eta kodeu teh teu kaburu kahartikeun maksudna. Atuh palias bisi aya kajadian teror.

Keur koleng kitu, eta kodeu nu ditulis na kertas salambar teh murag. Kapanggih ku tukang cimol. Ceuk tukang cimol ka kepala intelejen:
"Saha Pa ieu nu nulis kieu dina kertas?"
"Ssst... tong gandeng. Eta kode rahasia! Hese dibacana ge!"
"Kutan kitu? Gampil atuh Pa hoyong ngartos eusi seratan eta... eta teh kodeu lalay badot!"
"Maksudna?"
"Lalay badot kan sarena sok tibalik, sirah di handap suku di luhur! Tah, hoyong apal harti tulisan eta mah... bacana balikeun we, mun tiasa mah Bapa macana sapertos lalay badot ngagantung!"

Follow: