Tukang Bengkong (Mang Ndien)
Timana Mang?
Biasa we Bah. Geus ti kampung sabeulah. Tos ngajual kulup!
Beu, abong bengkong nya? Memang loba kitu nu disunatan?
Ih, kulupna ge meunang dua karung. Meunang ngumpulkeun saminggu. Lumayan dijual ka Bandar!
Naha asa loba-loba teuing Mang?
Ah, kuring mah sakur aya budak nu can disunatan langsung we digeresel. Rek keur ulin rek keur ngajentul ge...sampeurkeun tuluy disunat.
Mmh... jemput bola istilahna nya Mang? Paingan di lembur asa loba nu ngadadak hajat.
Puguh. Da balik ka imah, budakna jol nginghak hayang diayakeun kariaan.
Euweuh nu protes eta teh?
Rek protes kumaha, da disunatanna ge enggeus. Ma enya rek dipasangkeun deui? Kawas casing HP wae kulup teh nya?
Ari Mang diajar nyunatan dimana?
Moal dibeja-beja. Rahasia nagara eta mah. Nu penting kuring geus meunang sertifikat ISO 2001, geus layak dina kualitas dan kehandalan.
Ti iraha diajar nyunatan Mang?
Mun teu salah keur umur 4 taun. Baheula diajar teh nyunatan sorangan. Alhamdulillah, lulus uji emisi gas. Taya efek nanaon.
Make naon Mang?
Harita keur nyunatan sorangan mah make batu. Dipekprek....
Ari ayeuna?
Ayeuna mah canggih. Geus make sinar laser jeung sinar ultraviolet. Matakna budak nu geus disunatan, bisa langsung ulin. Kecuali dipacok hayam pelung....
Gandeng siah! Tong mamawa hayam. Cenah aya paket disunatan?
Enya. Ieu mah keur nyiasati persaingan we. Nu disunatan ka kuring mah salain meunang diskon oge meunang voucher bisa dahar di warung kopi Jang Epul. Terus paketna
Paket VVIP: Nyeri disunatan bisa dialihkeun ka nu lain. Misalna, Jang Irfan disunatan, nu nyerina Kang Bunhaw.
Paket VIP: Tah, ieu mah disunatanna sakilat. Jeung bisa langsung digunakeun dina waktu kurang ti satengah jam. Jiga Mang Roen, jam 9 disunatan, jam 9.30 langsung dirapalan ku Lebe Hasby.
Paket Eksklusif: Ieu mah disunatanna di tribun atas.
Paket Hemat: Disunatanna ngan satengah
Paket Ekonomis: Disunatanna kuring bari peureum.
Paket Gratis: Pas muka sarung, ngan dipelong ku kuring.....
Disunatan?
Henteu, ngan dipelong! Mayar atuh Bah. Ka WC umum wae mayar... komo ieu ngoprek rudal scud.
Geus ah, ngomongkeun wae disunatan. Iraha maen geplak kartu deui Mang?
Sok lah. Dendam uing mah yeuh, tapak leungeun bareuh ku si Humas.
Mang iraha atuh rek ngayakeun kursus nyunatan di Rancabanyol?
Embung ah. Atuh ari aya kursus mah kuring jadi loba saingan. Jeung deuih saha nu rek dijadikeun model percobaan?
Cep Edoy daekeun jigana. Panan boga 6 cadanganna si eta mah.
Gelo! Puguh da pelor pestol!
Follow:
