Humas Rancabanyol (Hisyam Hidayat)

Keur naon euy?
Biasa we ieu keur ngamodif Vespa.

Rek dijieun jiga kumaha?
Rek dijieun delman.

Kudu aya kudana atuh?
Panan aya di Binongjati. Kuda rancung.

Oooh. Geus atuh tong dikekeak wae Sekdes teh.
Bae ah. Haratis ieuh. Rek naon ka dieu Bah?

Geus lila teu ngababuk jelema nu sok ditanya ngadon malik nanya. Cicing siah, kan uing nu ngawawancarana!
Ampun Baginda!

Ki Sanak harusnya mengartos bahwa saya keur bingung ieu teh. Hayang ngagurinda....
Ngagurinda saha?

Eta nu rancung ti Binongjati!
Tuh... ongkoh ka batur teu meunang.

Can puas tuda! Kumaha apel tadi peuting lancar?
Lancar Bah! Ngan biasa we euy, poho martabakna.... ku uing kadahar di jalan. Jadi nu diapelan rada jamedud.

Alus jamedud mah. Daripada seuseurian sorangan. Iraha atuh?
Kawin?

Lain, disunatan!
Engke lah mun Mang Ndien geus ngayakeun diskon. Rek disepitan ku gurinda.

Sok lalawora hirup teh nya. Mang Ndien mah ayeuna keur ka Cililin. Kursus nyepitan.
Wah? Paingan tara ngelol! Kursus ka saha nya?

Saha deui lamun lain ka Ki Lurah Iwan.
Beu! Ciloko dua belas Bah!

Naha?
Bahaya menta kursus nyepitan ka Ki Lurah mah. Sok sakahayang si eta mah. Nyaho Kang Roen? Panan kasus, disepitanna gagal!

Gagal kumaha?
Gagal, cenah mah salah gunting... make gunting kuku!

Edas. Geus ah, jadi lalinu kieu aing mah. Kumaha yeuh persiapan puasa?
Puasa mah biasa we Bah. Ngan can meuli mas kawinna ieu teh.

Naon hubunganna?
Sugan we puasa ieu kabuka jalan uing pikeun ngalamar si manehna.

Oh kitu. Sok atuh, puasana sing getol.
Getol uing mah. Balas ku getol, sapoe ge dua kali puasana!

Kade salaku Humas Rancabanyol, engke bagean wawar waktu buka, saur, jeung imsak nya?
Ok deh. Uing geus nyiapkeun pepetasan. Lamun waktuna saur kabeh imah warga rek dialungan pepetasan kana jandelana. Komo imah Ki Camat mah. Kebluk pisan.

Enya, puguhan eta nu kudu dijaga teh Ki Camat. Panan puasa kamari ge sok ngageunjleungkeun lembur. Saur hudang jam 2 tuluy dahar nepi ka jam 6 isuk-isuk.
Poho cenah Bah. Daharna bari lulungu! Tapi, aya ku aneh lulungu beak 4 piring.

Jeung eta di tonggoh, jam di imah Nyi Iroh kudu dijagaan.
Naha?

Eta Nyi Iroh mah panan sok muterkeun jarum jam. Ameh gancang cenah bukana. Tara sabaran si eta mah!
Garelo nya. Keun engke Nyi Iroh urang talian ku rante!

Enya, geus dirante tuluy bawa ka parapatan. Lumayan keur lalajoaneun ngabuburit!
Heueuh, da doger....!!

Follow: