Mang Uhe (Hendi Uhe)

Edan euy fotona jiga foto model!
Lain jiga! Enya kituh. Kieu-kieu ge kuring teh foto model.

Wah, foto model dimana?

Can apal? Panan baheula produk iklan susu munding teh kuring bentang iklanna.

Beu, eta mun geus ngomongkeun mumun. Naon masih keneh yayang ka mumun...ding?
Sok, geus mulai. Eta mah masa lalu. Eureun ayeuna mah teu kana munding deui. Ayeuna mah ka baladna Sekdes: landak.

Naha landak disebut balad Sekdes sagala?
Ah, tingali we rancungna.

Karunya atuh ka Sekdes teh tong sok dikitu-kitu. Anak batur eta teh!
Paduli teuing. Manehna ge da sok kitu oge ka kuring.

Kumaha yeuh rasana ayeuna jabatan Lurah ka Kang Iwan-keun?
Bebaaaaaaaaaaaaaass!! Ripuh unggal waktu dikekeak wae. Kuduna pangkat Lurah mah senang! Lain dikekeak wae. Geus carita geus foto Sotoshop... uing deui-uing deui korban teh!

Hayang senang mah hitut na seeng atuh. Eta teh cingcirining Kang Uhe loba fans-na.
Atuh mun baheula loba fans mah geus nyieun boyband saingan SM*SH.

Ayeuna ge teu nanaon atuh. Can telat....
Kahayang mah kitu, nyieun boyband jeung Mang Jurex, Mang Tengku, Sekdes, Mang Asec jeung Akung. Ngan eta euy, paur rujad panggung mun kami-kami mentas teh.

Tapi kan geus cocok duet jeung Mike Tyson oge. Nepi ka aya duet Utis (Uhe-Tison)
Ke, duet kumaha maksudna?

Ieu geuning kuring meunang poster ti Sekdes. Cenah geus duet jeung Mike Tyson?
Ah, seblu siah eta mah. Si Tyson-na we ti baheula ngungudag kuring. Teuing aya hate kitu ka uing! Batur SD si eta teh, Bah! Panan dilatih tinjuna ge ku uing.

Baruk? Dilatih naon wae tah?
Enya, kuring mah panan khusus ngalatih kumaha carana ngegel ceuli lawan kalayan aman tur epektip.

Ari lawan latihna saha?

Apanan kuring keneh. Kuring bagean digegel ceuli. Matakna ieu ceuli geus tambah rebing wae... beak dipake latihan digegel.

Alus, sakalian geus beres digegel ceuli...eta raray dibalur ku tipung!
Heueuh da kuring teh moci Sukabumi.

Ari ayeuna kagiatan teh naon?
Biasa we Bah. Ayeuna mah kuring keur diajar usaha.

Usaha naon?
Usaha....muka toko!

Tokona dimana? Sukabumi atawa Betawi?
Dimana we tokona mah. Nu penting mah bisa dibuka ku linggis!

Edan. Diajar ti saha eta teh?
Ti Sekdes. Panan kamari kursus meunang dua minggu ku manehna. Kuring ditutor.

Tong daek jeung si eta diajar muka toko mah!
Naha?

Kuring ge pernah diajar muka toko beusi. Capena kabina-bina. Kabayang, geus muka toko...hiji-hiji beusi diangkutan. Nepi ka asa semplak taktak!

Paingan atuh. Uing ge kamari diajar muka toko online, da hesena menta ampun. Neangan toko nepi ka mana-mana... teu manggih!

Lieur tuda di dinya mah. Ari rek muka toko online tong make linggis! Coba dihacker....

Puguhan geus nyobaan. Hese neangan paragi ngajetrekkeunna.

Naha loslos ka dinya?
Eta hacker paragi ngajetrekkeun kertas lain?

Eta mah hekter!

Follow: