Mang Asec (Tatanx Phetot)

Naha datang teh jol sura-seuri?
Hehehehe....

Ituh geura. Aya naon euy?
Hiihihihihi......

Sing baleg ari ditanya teh!
Huhuhu..... keur bungah tuda!

Meunang kabungah naon yeuh? Bagi-bagi atuh!
Lumayan ngajual HP keur ceuyah yeuh. Lumayan keur lebaran.

HP naon?
Eta HP dummy. Keur kaulinan budak!

Naha lain HP biasa?
Lah, HP biasa mah lieur loba teuing nu ngajual. Kali-kali mah bisnis teh nu aneh. Ngajualan HP dummy, HP conto.

Atuh eta mah teu bisa dipake nanaon.
Justru eta unikna. Matakna kuring ngajualan ka budak leutik ge.

Sok dagang dimana?
Eta di hareupeun SD. Bareng jeung tukang limun.

Nepi ka dinya eta otak bisnis. Ari MLM tuyul jalan keneh?
Puguh eta mah sumber penghasilan paling gede. Keur neangan tuyul bibit anyar puguh ayeuna ge.

Na, hayang nu kumaha kitu jenis tuyulna?
Mun bisa mah tuyul angora atawa tuyul persia. Enya minimal tuyul nu jiga Upin-Ipin.

Sagala dilakonan nya kana bisnis mah?
Puguh atuh. Jaman ayeuna mah kudu motekar. Ameh gancang beunghar. Boga cita-cita ieu teh.

Naon?
Mun geus meunang duit loba, rek meuli kapal totoroktokan. Khusus keur Kang Jack.


Mulia pisan boga niat teh. Naha make keur Kang Jack sagala?
Ameh Kang Jack pindah tong na kapal tanker wae. Sina cicing di imah... nyoo kapal totoroktokan. Jeung deuih boga cita-cita hayang meuli gedung tua...

Mmh... gandeng! Eta mah lagu dangdut ti Wawa Marisa! Ari bisnis jadi pemburu hantu kumaha?
Eureun Bah! Hese ayeuna mah neangan jurig teh. Jeung tong dibeja-beja nya. Sabenerna mah titah eureun ku Pa Camat. Apal sorangan Pa Camat mah paling anti kana jurig. Mangkaning tadina mah rek ngahaja mere souvenir... jurig ditoplesan.

Ari touring kana motor kumaha?
Tah, mun eta mah masih. Rencana mah rek touring ka Uganda. Ngan dicarekan Mang Uhe.

Yeh, naha?
Ulah cenah. Bisi engke di lemburna aya nu nanyakeun manehna. Matakna Mang Uhe kabur ka Sukabumi ge, panan boga kasus baheulana di lemburna.

Kutan kitu?
Enya. Teuing, da loba kasus di dituna si eta mah. Cenah mah masalah anak munding. Rencana mah ayeuna rek touring teh ka Pasar Senen.

Teu rame atuh. Sapopoe di Betawi, ngadon touring ka Pasar Senen. Deukeut teuing!
Alusna kamana atuh?

Enya sing jauh atuh ari touring make motor gede mah. Minimal ka Cililitan!
Keneh kehed!

Lain, ari HP pesenan Mang Tengku geus dikirim ka Jepang?
Enggeus. Ngan Mang Tengku komplen.

Komplen kumaha?
Naha cenah HP teh batrena gede-gede teuing?

Segede kumaha kitu batrena?
Sagede kotak amal masjid! Ari HP ngan sagede ulen.....

Follow: