Tips Mudik Lebaran

Ieu sababaraha tips pikeun nu rek marudik ka lembur:

1. Pariksaan imah. Ulah nepi panto teu dikonci. Kade koncina ulah make pola kawas muka layar Android.
2. Leuwih hade pasang CCTV di luar imah. Da di luar negeri mah jauh. Bejaan make tulisan, tempelkeun na tembok imah: "Rumah ini sudah diawasi oleh CCTV dan jin kukutan! Bila Anda mencoba mencuri di rumah ini, dipastikan bobogaan akan pindah kana tarang!"
3. Memeh indit ka lembur, titipkeun imah ka tatangga nu teu mudik. Kade imahna tong dipangku bari dititipkeun.
4. Pariksa saluran cai di imah bisi aya nu bocor. Bocor mah matak bahaya. Tong boro cai, anggaran nagara ge bocor mah matak kuma onam.
5. Bawa barang kabutuhan keur mudik sacukupna saperti baju atawa obat-obatan. Ulah nepi mawa kulkas atawa TV tuluy di jalan dijualan.
6. Mawa oleh-oleh keur kulawarga di lembur. Urang lembur mah panan resepeun mun dibere oleh-oleh ti urang kota teh. Nya, cukup meureun mere iPhone hiji ewang keur dulur jeung tatangga di lembur mah.
7. Ayeuna panan usum HP. Samemeh indit, bejaan heula kulawarga di lembur yen urang rek mudik. Ulah nepi nga-SMS atawa nga-WA geus hareupeun panto imah di lembur. Teu surprise atuh!
8. Mun mudik make mobil, pariksaan deui bisi anak pamajikan tinggaleun di imah. Oge mun pas ngeusi bengsin di SPBU, pariksa deui bisi pamajikan tinggaleun keur ka WC umum. Der bisi salah mawa pamajikan batur. Rek ngadon pasea mah cukup we di imah, tong di jalan.
9. Gunakeun fasilitas posko mudik nu aya di tiap jalur mudik. Lumayan bisa reureuh heula bari gogoleran atawa dipeuseul. Kade di posko tong nepi kalahkah milu nyeuseuhan atawa ngajak gelut batur!
10. Nu mudik naek kendaraan umum, pilih kendaraan nu sasuai. Misalna, ulah nepi balik ti Bandung naek delman ka Pameungpeuk via jalur Cijapati jeung Gunung Gelap.

Follow: