Bagbagan Balad Balakaciprut
Bagbagan baheula basa Bang Bagyo babaladan bareng Bapa Benno...Badan Bang Bagyo beuki begeng bawaning balangsak. Basa baheula budak, Bang Bagyo berewit bakating beuki beas bakatul. Bawaning bawaan biwirna beye. Bongoh-bongoh ... brat bret brot bujurna bobos bentes. Biasana, beukina botram barjamaah babarengan beubeuleuman buruy bucitreuk, beunceuh, beurit, betok, beunteur, beubeutian boled, bareng balad-balad bangorna. Beasna? Baluas, bisa babadog beas bogana Bapa Benno.
Bang Bagyo beungeutna buringas basa baladna, Bapa Benno, beunghar bati barang beuli berlian. Bapa Beno bubuhan biasa beunghar. Bapa Benno biheung bagja berehan bunta-bantu Bang Bagyo buka bengkel bubut. Bang Bagyo bungah. Bapa Benno beuki bingbang. Bubuhan benten, Bang Bagyo babawaan beungeutna barangasan babari bangkerut, Bang Bagyo bubuk bengkelna....bangkrut. Bang Bagyo boro-boro barobah: balilihan, beungeutna baketut, belikan, benduan, benclang-benclung, babasaanana bawel-baceo-bacokak.
Buritna, Bapa Bagyo beberengkes bebes-bebeskeun buntelan ... basa Bapa Benno bobo bareng bikang bengsrat, budak babuna. Bang Bagyo babangsat buka-buka bupet. Barang-barang Bapa Benno badogan! Bawa berlian, bedog, boneka biruang. Bang Bagyo bingbang. Basa Bang Bagyo beres beberengkes... Bapa Benno bonceret beunta. Bang Bagyo balaham-belehem... beungeutna beureum... bahamna bungkem. Balukarna bablas, bosongot Bapa Benno bengis bencina budal! Bapa Benno bawa batu bata ...beletuk! Bang Bagyo benjol..biwirna bocek.... beuheungna bohak... binasa! Bapa Benno beungeutna beuki bendu. Babarayaan bubar! Berebet... Bang Bagyo birat basa Bapa Benno bawa bedil badag.
Bang Bagyo bolostrong... butek! Bang Bagyo bati bulukusutun. Buukna buyeng... beungeutna buleneng... badanna begeng! Bajuna beuleugeunjeur... busik bin busil. Bandana bosetek... barang bawaanna? Berekah, basa breh: berlian beubeunangan babangsat banda-banda Bapa Benno! Bang Bagyo bebenah, bubuara bujeng Bandung. Barang bus Bandung, batan bosen balangsak, balas butuh, Bang Bagyo bebenah beberesih. Bang Bagyo barangsiar bebelaan boborong balanja butik... beubeuli baju bikang. Bajuna bungur, blusna bulao, beubeurna beureum, BH-na biru bengras. Bang Bagyo barobah busanana. Beuteungna bendeleh, bujalna bijil, bitisna boro-boro buluan, biwirna baseuh, bujurna bohay...bahenol! Beu, Bang Bagyo bibilintik babati bareng banci! Boga biodata: Beurang Bagyo .... ba’da burit: Basyeu!
© Abah Amin
Follow:
