Wawancara Jeung Mark Zuckerberg
Saha nu teu apal atuh ka Mark Zuckerberg. Budak ngora nu geus jadi milyarder ieu kasohor alatan nyieun Facebook. Majalah Forbes nyatet yen Ujang Mark teh milyarder paling ngora nu pernah aya di dunya. Eta kabeh tina hasil usahana sorangan, lain tina warisan ...komo korupsi mah! Hal ieu jadi sajarah anyar. Jumlah kakayaanna? Ditaksir nepi ka 1,5.000.000.000 dolar Amerika. Lumayan keur meuli kurupuk Ma Icih mah!
Tah, kamari sore basa manehna geus beres futsal, kuring ngawawancara manehna. Geuning loba fakta nu salila ieu teu dipikanyaho ku balarea. Naon wae tah? Nyanggakeun, ieu hasil wawancarana:Ari jenengan teh saha lengkepna?
Ngaran ti kolot mah Mark Elliot Zuckerberg. Tadina mah rek dingaranan Mark Erot Sukabeberegeg.. ngan asa kumaha nya kadengena. Inget kana sosis. Kuring lahir di White Plains, New York, 14 Mei 1984. Berondong keneh nya? Matakna basa rame-ramena jaman Film si Unyil jeung Aneka Ria Jenaka... kuring mah asa inget-inget poho! Komo jaman gol "tangan tuhan" ti Maradona mah.
Ari Akang ngadamel Pesbuk teh iraha?
Situs jejaring sosial Facebook teh diadegkeun waktu jaman kuliah. Dibantuan ku babaturan kuring di Harvard, nyaeta Andrew McCollum sarta batur sakamer Dustin Moskovitz jeung Crish Hughes. Kuring ayeuna mah kapapancenan jadi CEO Facebook. Tah, alatan nyieun proyek Facebook, kuring jeung babaturan bebelaan kaluar kuliah!
Kumaha tah sajarahna bisa dianggo nami Facebook?
Kasang tukang ayana Facebook mah, waktu kuring jadi mahasiswa semester II Harvard University. Mimitina, kuring nyieun hiji situs kontak jodoh pikeun batur-batur di kampus. Situs ieu kainspirasi ti situs Hot or Not, terus kuring nyieun situs Facemash.com. Eusi situs ieu nyaeta nampilkeun dua poto pasangan (jajaka jeung wanoja), di mana saterusna dua pasangan ieu baris dipilih ku para anggota situs mana pasangan anu pang-“hot”-na. Tah, pikeun nampilkeun poto-poto pasangan di situs ieu, kuring narekahan kalayan sagala cara neangan poto-poto babaturan ku cara nguriling ‘door-to-door’ pikeun mentaan poto.
Teras?
Tah kuring nepi ka nekadna ngabobol akses internet komputer kampus pikeun meunangkeun poto-poto tambahan. Tapi aksi ieu kapanggih ku pihak kampus! Tuluy maranehanana saterusna ngablokir situs Facemash.com. Nya balukarna tindakan ieu meunang hukuman ka kuring jeung anceman baris dipecat ti kampus. Untung anceman ieu henteu jadi karealisasikan. Ti dinya kuring boga pamadegan sorangan, terus ngomong ka pihak kampus: “Tindakan pihak kampus anu ngablokir situs facemash.com memang bener alesanna, tapi hanjakal aranjeun henteu nyadar potensi anu bisa wae jadi alat ngadongkrak popularitas pikeun kampus sorangan. Inget, engke oge baris aya anu nyieun situs sarupa." Nya eta situs teh udagan kuring!
Tuluy Akang ngadegkeun Facebook?
Nya. Kuring henteu kapok! Dina semester saterusna, mun teu salah tanggal 4 Pebruari 2004, Kuring nyieun hiji situs anyar nu ngaranna The Facebook anu alamat URL-na: http://www.thefacebook.com. Dina situs anyar ieu, kuring nyieun komentar rada nyindir ka pihak kampus: “Nurutkeun kuring, usaha pihak kampus anu hayang nyieun media pertukaran informasi antar civitas akademik anu perlu waktu mangtaun-taun mangrupakeun hal anu konyol! Tah, nyieun situs ieu mah, kuring migawena ngan dina waktu saminggu!"
Bulan maret 2004, thefacebook.com mimiti sumebar ka sawatara kampus sejen di Kota Boston, AS sarta oge ka sajumlah kampus elite saperti Stanford, Columbia, Yale, sarta Ivy League. Teu perlu waktu lila, situs ieu geus sumebar pamakeanana di ampir kabeh kampus di AS sarta Kanada. Bulan Juni 2004, kuring, Mccollum, sarta Moskovitz mindahkeun markas ka Palo Alto, California. Edun jeung hebring, nya?
Edun jeung hebring pisan! Tapi, saurna Akang teh Yahudi?
Ari lahir mah Yahudi, ngan kuring mah ayeuna milih jadi Atheis. Naha milih Atheis? Ngan kuring jeung Gusti nu apal!
Kutan kitu? Naha leres Akang teh saurna teu resep lalajo TV?
Bener pisan. Kuring mah teu boga TV. Tuda lieur mun lalajo berita...kitu jeung kitu we. Mun teu bencana nya laporan korupsi. Jaba eta sinetronna mani asa garihal ningalina. Asa teu pararantes dilalajoanana, teu bergizi kana otak jeung hate. Mending keneh nyieun situs jeung program anyar.
Sanes Kang, pami Akang naek panggung kunaon sok katingali demam panggung?
Kuring mah memang kurang resep lamun mintonkeun diri di hareupeun umum. Matakna sok demam panggung. Tapi, trauma ketang. Baheula keur miluan lomba pidato jaman SD, kuring pernah demam panggung nepi ka demam berdarah 3 minggu leuwih. Lamun keur pidato dina luhur panggung atawa na forum, kahayang mah sirah ditutupan keresek hideung atawa make helm fullface! Da eta teuing kunaon, kabeh nu aya hareupeun kuring teh jiga nu ngarenyohan. Jigana mah kuring beunang ku panyakit tenyomsyndrome.
Abdi mah panasaran, kunaon Facebook warnana bet biru?
Mmmh... era sabenerna mah. Bae lah jujur demi baraya Banyolan Sunda. Kunaon dipilih warna biru, kusabab kuring buta warna. Nya, kuring buta warna beureum jeung hejo! Matakna mun lalajo film Hulk, kuring mah paling hoream. Komo mun ningali bandera Indonesia mah, bodas kabeh katingalina teh! Jeung deuih panan kieu-kieu ge kuring bobotoh Persib sajati! Jadi taya salahna lamun warna Persib bisa jadi wawakil Facebook.
Ngomong-ngomong Persib, ari Akang ngidolakeun saha?
Kuring mah ngidolakeun Pa Umuh jeung guru Emen. Komo Pa Umuh mah resep ku kumisna. Cik titip pangnanyakeun ka Pa Umuh, naon rahasiana bisa boga kumis ngajepat kitu? Sok, inget lagu manuk ciung dina pisitan... buah cula aratah keneh.
Naha, sanes pamaenna?
Kumaha kuring we. Panan uing nu boga Facebook!
Ari artis idola Akang saha?
Ari kuring mah ngidolakeun Cucu Cahyati. Eta resep tuda ku laguna nu bisa nyindir jamaah al-Fesbukiyah nu kacanduan ku situs jejaring sosial jieunan kuring. Kieu geuning laguna teh (si Jang Mark ngahaleuang jeung peperengkelan)
Fesbuk lagi....... ah, Poker lagi
Ku tak maauuu....aaaaahhhhh
Terus begini....
Kau ajak teman-teman...
hai poker bersamamu
Kau ajak teman-teman...
hai judi bersamamu
Tah, Kang lamun teu ngeusi (upload) foto profil dina akun Facebook urang, geuning sok aya gambar kosong. Misterius pisan. Saha eta teh saleresna?
Hahaha... hayang apal mah. Ieu aslina (Jang Mark ngasongkeun laptop). Eta teh Sekdes Rancabanyol. Ieu gambarna:
Muhun atuh ari kitu mah, kumaha Akang we. Hatur nuhun Kang kana wawancarana.
Sami-sami. Kali-kali mah engke kuring hayang miluan kopi darat jeung baraya Banyolan Sunda. Da dikumaha oge group Banyolan Sunda teh warga Facebook nu lumayan potensial. Komo pikeun ukuran lokal mah anggotana geus rebuan kitu. Kade ah, tong asup-asup kana pulitik. Bisi we aya nu hayang ngadeukeutan!
Moal Kang. Banyolan Sunda mah Insya Allah netral. Milik warga Sunda.
Tah, kitu atuh. Salam wae ka baraya sadaya. Omat kituh, lamun keur Facebook-an tong bari nyeundeut pepetasan! Gandeng ka tatangga!
Terakhir Kang. Ari Akang nyalira osok Facebook-an?
Ah, si Abah mah nyieun pertanyaan teh mani teu bermutu. Tukang nyieun ragaji ge tara ngaragaji awak sorangan! Lain kunanaon, lamun kuring nyieun akun Facebook... engke data pribadi kuring bisi kanyahoan tur disimpen dina bank data intelejen Amerika. Atuh gampang nyukcruk identitas kuring sabenerna! Maenya ti ngaran asli, e-mail, agama, hubungan kulawarga, padumukan, tanggal lahir, tempat gawe, internet protocol (IP), batur sa-genk, sajarah sakola, nepi ka ngaran kabogoh kuring kanyahoan sagala. Inget Bah, sanajan kuring katingalina jago kieu dina urusan program... tapi di luhur langit masih aya langit!
Har?
Geus ah, kuring rek dahar heula kupat. Bisi kaburu tiis. © Abah Amin
Kumaha tah sajarahna bisa dianggo nami Facebook?
Kasang tukang ayana Facebook mah, waktu kuring jadi mahasiswa semester II Harvard University. Mimitina, kuring nyieun hiji situs kontak jodoh pikeun batur-batur di kampus. Situs ieu kainspirasi ti situs Hot or Not, terus kuring nyieun situs Facemash.com. Eusi situs ieu nyaeta nampilkeun dua poto pasangan (jajaka jeung wanoja), di mana saterusna dua pasangan ieu baris dipilih ku para anggota situs mana pasangan anu pang-“hot”-na. Tah, pikeun nampilkeun poto-poto pasangan di situs ieu, kuring narekahan kalayan sagala cara neangan poto-poto babaturan ku cara nguriling ‘door-to-door’ pikeun mentaan poto.
Teras?
Tah kuring nepi ka nekadna ngabobol akses internet komputer kampus pikeun meunangkeun poto-poto tambahan. Tapi aksi ieu kapanggih ku pihak kampus! Tuluy maranehanana saterusna ngablokir situs Facemash.com. Nya balukarna tindakan ieu meunang hukuman ka kuring jeung anceman baris dipecat ti kampus. Untung anceman ieu henteu jadi karealisasikan. Ti dinya kuring boga pamadegan sorangan, terus ngomong ka pihak kampus: “Tindakan pihak kampus anu ngablokir situs facemash.com memang bener alesanna, tapi hanjakal aranjeun henteu nyadar potensi anu bisa wae jadi alat ngadongkrak popularitas pikeun kampus sorangan. Inget, engke oge baris aya anu nyieun situs sarupa." Nya eta situs teh udagan kuring!
Tuluy Akang ngadegkeun Facebook?
Nya. Kuring henteu kapok! Dina semester saterusna, mun teu salah tanggal 4 Pebruari 2004, Kuring nyieun hiji situs anyar nu ngaranna The Facebook anu alamat URL-na: http://www.thefacebook.com. Dina situs anyar ieu, kuring nyieun komentar rada nyindir ka pihak kampus: “Nurutkeun kuring, usaha pihak kampus anu hayang nyieun media pertukaran informasi antar civitas akademik anu perlu waktu mangtaun-taun mangrupakeun hal anu konyol! Tah, nyieun situs ieu mah, kuring migawena ngan dina waktu saminggu!"
Bulan maret 2004, thefacebook.com mimiti sumebar ka sawatara kampus sejen di Kota Boston, AS sarta oge ka sajumlah kampus elite saperti Stanford, Columbia, Yale, sarta Ivy League. Teu perlu waktu lila, situs ieu geus sumebar pamakeanana di ampir kabeh kampus di AS sarta Kanada. Bulan Juni 2004, kuring, Mccollum, sarta Moskovitz mindahkeun markas ka Palo Alto, California. Edun jeung hebring, nya?
Edun jeung hebring pisan! Tapi, saurna Akang teh Yahudi?
Ari lahir mah Yahudi, ngan kuring mah ayeuna milih jadi Atheis. Naha milih Atheis? Ngan kuring jeung Gusti nu apal!
Kutan kitu? Naha leres Akang teh saurna teu resep lalajo TV?
Bener pisan. Kuring mah teu boga TV. Tuda lieur mun lalajo berita...kitu jeung kitu we. Mun teu bencana nya laporan korupsi. Jaba eta sinetronna mani asa garihal ningalina. Asa teu pararantes dilalajoanana, teu bergizi kana otak jeung hate. Mending keneh nyieun situs jeung program anyar.
Sanes Kang, pami Akang naek panggung kunaon sok katingali demam panggung?
Kuring mah memang kurang resep lamun mintonkeun diri di hareupeun umum. Matakna sok demam panggung. Tapi, trauma ketang. Baheula keur miluan lomba pidato jaman SD, kuring pernah demam panggung nepi ka demam berdarah 3 minggu leuwih. Lamun keur pidato dina luhur panggung atawa na forum, kahayang mah sirah ditutupan keresek hideung atawa make helm fullface! Da eta teuing kunaon, kabeh nu aya hareupeun kuring teh jiga nu ngarenyohan. Jigana mah kuring beunang ku panyakit tenyomsyndrome.
Abdi mah panasaran, kunaon Facebook warnana bet biru?
Mmmh... era sabenerna mah. Bae lah jujur demi baraya Banyolan Sunda. Kunaon dipilih warna biru, kusabab kuring buta warna. Nya, kuring buta warna beureum jeung hejo! Matakna mun lalajo film Hulk, kuring mah paling hoream. Komo mun ningali bandera Indonesia mah, bodas kabeh katingalina teh! Jeung deuih panan kieu-kieu ge kuring bobotoh Persib sajati! Jadi taya salahna lamun warna Persib bisa jadi wawakil Facebook.
Ngomong-ngomong Persib, ari Akang ngidolakeun saha?
Kuring mah ngidolakeun Pa Umuh jeung guru Emen. Komo Pa Umuh mah resep ku kumisna. Cik titip pangnanyakeun ka Pa Umuh, naon rahasiana bisa boga kumis ngajepat kitu? Sok, inget lagu manuk ciung dina pisitan... buah cula aratah keneh.
Naha, sanes pamaenna?
Kumaha kuring we. Panan uing nu boga Facebook!
Ari artis idola Akang saha?
Ari kuring mah ngidolakeun Cucu Cahyati. Eta resep tuda ku laguna nu bisa nyindir jamaah al-Fesbukiyah nu kacanduan ku situs jejaring sosial jieunan kuring. Kieu geuning laguna teh (si Jang Mark ngahaleuang jeung peperengkelan)
Fesbuk lagi....... ah, Poker lagi
Ku tak maauuu....aaaaahhhhh
Terus begini....
Kau ajak teman-teman...
hai poker bersamamu
Kau ajak teman-teman...
hai judi bersamamu
Tah, Kang lamun teu ngeusi (upload) foto profil dina akun Facebook urang, geuning sok aya gambar kosong. Misterius pisan. Saha eta teh saleresna?
Hahaha... hayang apal mah. Ieu aslina (Jang Mark ngasongkeun laptop). Eta teh Sekdes Rancabanyol. Ieu gambarna:
Muhun atuh ari kitu mah, kumaha Akang we. Hatur nuhun Kang kana wawancarana.
Sami-sami. Kali-kali mah engke kuring hayang miluan kopi darat jeung baraya Banyolan Sunda. Da dikumaha oge group Banyolan Sunda teh warga Facebook nu lumayan potensial. Komo pikeun ukuran lokal mah anggotana geus rebuan kitu. Kade ah, tong asup-asup kana pulitik. Bisi we aya nu hayang ngadeukeutan!
Moal Kang. Banyolan Sunda mah Insya Allah netral. Milik warga Sunda.
Tah, kitu atuh. Salam wae ka baraya sadaya. Omat kituh, lamun keur Facebook-an tong bari nyeundeut pepetasan! Gandeng ka tatangga!
Terakhir Kang. Ari Akang nyalira osok Facebook-an?
Ah, si Abah mah nyieun pertanyaan teh mani teu bermutu. Tukang nyieun ragaji ge tara ngaragaji awak sorangan! Lain kunanaon, lamun kuring nyieun akun Facebook... engke data pribadi kuring bisi kanyahoan tur disimpen dina bank data intelejen Amerika. Atuh gampang nyukcruk identitas kuring sabenerna! Maenya ti ngaran asli, e-mail, agama, hubungan kulawarga, padumukan, tanggal lahir, tempat gawe, internet protocol (IP), batur sa-genk, sajarah sakola, nepi ka ngaran kabogoh kuring kanyahoan sagala. Inget Bah, sanajan kuring katingalina jago kieu dina urusan program... tapi di luhur langit masih aya langit!
Har?
Geus ah, kuring rek dahar heula kupat. Bisi kaburu tiis. © Abah Amin
Follow:
