Kapanggih Modal!
Harita, pasosore.... Bu Lurah Rancabanyol keur sasapu di buruan. Imahna aya di sisi jalan raya. Keur anteng sasapu, jug katingal aya mojang keur ngadodorong motor. Teuing balas ku cape meureun, eta nyi mojang teh ngarandeg heula hareupeun imah Bu Lurah.
"Euleuh, ku naon Neng?" tanya Bu Lurah.
"Euh...euh... ieu Bu, abdi kaseepan bensin," ceuk Nyi mojang bari ngelap kesang dina taarna.
"Duuuh, karunya teuing. ka dieu heula atuh Neng. Ngaleueut cai heula! Tebih tuda pom bensin ti dieu mah. Duh, sareng nuju teu aya sasaha deui di dieu teh. Kaleresan, Pa Lurah nuju ka bumi Pa Camat. Tos we Neng ka lebet heula. Karunya cape kitu...yap ka dieu."
"Mangga Bu. Hatur nuhun. Kaleresan abdi ge cape, maklum nuju kakandungan!"
"Gusti. Atos ka dieu heula, ah!"
Eta nyi mojang nu karek ngandeg 2 bulan teh nyetandarkeun motor di buruan. Tuluy asup ka imah.
"Mangga calik Neng!" ceuk Bu Lurah, tuluy manehna nyuguhan cai nginum.
"Hatur nuhun pisan, Bu!"
"Dupi Eneng teh timana momotoran sagala?"
"Abdi mah ti Cibeletok, Bu!
"Euleuh, tebih geuning! Bade pikersaeun naon ka daerah dieu, Neng?"
"Nuju milari pun lanceuk ieu teh. Tos ampir tujuh sasih teu aya ka bumi!"
"Oooh, kitu! Kabina-bina atuh nya eta caroge Eneng teh. Ke ibu bade nelepon heula Bapa!"
Teu lila kadenge si ibu ngobrol na telepon:
"Oooh, caket geuning Pa. Sakedap deui ka dieu atuh. Sakantenan atuh Pa, ngagaleuh bensin. Ieu hawatos...." intina mah Bu Lurah nitah Pa Lurah sakalian meuli bensin dua tak di teun Mang Teja.
Di rohangan tengah, Bu Lurah ngobrol di telepon. Bari diuk na korsi tamu, nyi mojang nyidik-nyidik foto Ki Lurah sakulawarga nu ngagantung di dinding.
"Ke....ke... naha eta mah... geuning?" gerentes nyi mojang, bari beungeutna langsung pias.
Teu lila, Pa Lurah datang, da panto rohangan tamu mah muka:
"Assalamu....." teu parat ngucapkeun uluk salam, Pa Lurah ngan melong nyi mojang.
"Papah..." ceuk nyi mojang, neuteup seukeut Ki Lurah.
"Ma...ma...!" ceuk Lurah bari awakna ngadegdeg.
© Abah Amin
"Euh...euh... ieu Bu, abdi kaseepan bensin," ceuk Nyi mojang bari ngelap kesang dina taarna.
"Duuuh, karunya teuing. ka dieu heula atuh Neng. Ngaleueut cai heula! Tebih tuda pom bensin ti dieu mah. Duh, sareng nuju teu aya sasaha deui di dieu teh. Kaleresan, Pa Lurah nuju ka bumi Pa Camat. Tos we Neng ka lebet heula. Karunya cape kitu...yap ka dieu."
"Mangga Bu. Hatur nuhun. Kaleresan abdi ge cape, maklum nuju kakandungan!"
"Gusti. Atos ka dieu heula, ah!"
Eta nyi mojang nu karek ngandeg 2 bulan teh nyetandarkeun motor di buruan. Tuluy asup ka imah.
"Mangga calik Neng!" ceuk Bu Lurah, tuluy manehna nyuguhan cai nginum.
"Hatur nuhun pisan, Bu!"
"Dupi Eneng teh timana momotoran sagala?"
"Abdi mah ti Cibeletok, Bu!
"Euleuh, tebih geuning! Bade pikersaeun naon ka daerah dieu, Neng?"
"Nuju milari pun lanceuk ieu teh. Tos ampir tujuh sasih teu aya ka bumi!"
"Oooh, kitu! Kabina-bina atuh nya eta caroge Eneng teh. Ke ibu bade nelepon heula Bapa!"
Teu lila kadenge si ibu ngobrol na telepon:
"Oooh, caket geuning Pa. Sakedap deui ka dieu atuh. Sakantenan atuh Pa, ngagaleuh bensin. Ieu hawatos...." intina mah Bu Lurah nitah Pa Lurah sakalian meuli bensin dua tak di teun Mang Teja.
Di rohangan tengah, Bu Lurah ngobrol di telepon. Bari diuk na korsi tamu, nyi mojang nyidik-nyidik foto Ki Lurah sakulawarga nu ngagantung di dinding.
"Ke....ke... naha eta mah... geuning?" gerentes nyi mojang, bari beungeutna langsung pias.
Teu lila, Pa Lurah datang, da panto rohangan tamu mah muka:
"Assalamu....." teu parat ngucapkeun uluk salam, Pa Lurah ngan melong nyi mojang.
"Papah..." ceuk nyi mojang, neuteup seukeut Ki Lurah.
"Ma...ma...!" ceuk Lurah bari awakna ngadegdeg.
© Abah Amin
Follow:
