Akal Hansip
Plaaaak!
"Tah siah! Balak genep katutupan deui!" ceuk Mang Roen.
"Saha nya euy nu ngukut balak genep?" Mang Istuning ngalelewe.
"Jigana mah Sekdes!" Ceuk Mang Roen deui.
"Yey, sorry... urang mah ngan boga balak lima, balak opat, balak tilu, jeung balak dua!"
"Gelo, mani jujur kitu euy!" ceuk Mang Cepwan.
"Bae, pusing tuda... kartu teh euweuh nu pro ka uing!" ceuk Sekdes bari ngaregot cikopi.
"Jigana mah Sekdes!" Ceuk Mang Roen deui.
"Yey, sorry... urang mah ngan boga balak lima, balak opat, balak tilu, jeung balak dua!"
"Gelo, mani jujur kitu euy!" ceuk Mang Cepwan.
"Bae, pusing tuda... kartu teh euweuh nu pro ka uing!" ceuk Sekdes bari ngaregot cikopi.
Keur nu opatan maen gapleh di pos Hansip teh, teu lila Hansip Benno datang.
"Gelo euy! Tuh, di warung Jang Epul aya nu gelut!"
"Baleg siah! Saha euy?" Sekdes reuwas, bari langsung nangtung, "geus, bubar gaplehna!"
"Lah, hayang apal mah...mending disaksian ku sorangan we. Baturan uing euy. Lieur dipisahkeun ku sorangan mah!"
"Hayu atuh!" ceuk Mang Cepwan.
Eta jalma limaan teh teu sirikna rada lumpat muru ka TKP. Da lumayan jauh atuh warung Jang Epul teh. Pas nepi nu dituju:
"Meoooong... ngaooooong!"
Hansip mah langsung asup ka warung. Pesen cikopi hideung ka Jang Epul. Ari nu opatan? Ngan olohok we ningali ucing keur garelut di pipir warung Jang Epul.
"Hansip ontohod! Siah! Sugan teh heueuh aya jalma gelut. Geuning ucing?" Sekdes nyentak ka Hansip, bari nu opatan tuluy milu asup ka warung. Teu lila, Jang Epul mikeun cikopi sagelas ka Hansip.
"Yey? Saha nu nyebut aya jalma keur gelut? Kuring mah ngan ngomong: aya nu gelut! Hehehehe... keueung tuda uing di dieu sorangan. Euweuh batur ngopi. Geus we di dieu gaplehna!"
Eta cikopi nu arek disuruput ku Hansip Benno, direbut ku Sekdes. Sekdes langsung kaluar, manjur ucing nu keur garelut.
"Gelo siah Sekdes! Karunya deuleu!" ceuk Hansip.
"Kumaha uing we! Gandeng siah garelut di dieu... jiga politikus wae!! " ceuk Sekdes.
Untungna ucing ngan kabanjur saeutik, da kaburu ngejat. Eta mah ucing...bari ngejat ti dinya teh manehna ngutruk:
"Siah rancung! Cik atuh kira-kira manjur teh, make cikopi panas sagala. Hayang hujan angin dor dar gelap siah?"
© Abah Amin
Follow:
