Gara-Gara Sekdes
Teuing timana nu ngaheboskeun gosip, cenah tangkal caringin nu aya di tukangen imah Ki Ubbay mah aya nu "nungguan" alias sanget bin angker. Tong sompral di dinya mah komo ngalakukeun hal-hal nu teu uni mah. Tapi memang sok aya wae kajadian akibat ngalanggar pantangan di dinya mah.
Eta we basa minggu kamari, cenah Kang Teja pasea jeung Mang Asep Kiridit di handapeun tangkal caringin:
"Sia nu ngamimitian siah!" Kang Teja ngagantawang."Aing mah ngan meledos saeutik nyaho!"Mang Asep Kiridit malik nyentak.
Da eta mah, teu lima menit... baham duanana ngadadak bareuh, persis jiga keur ngolomoh bal tenis! Cenah mah maranehna diusap jin nu ngageugeuh tangkal caringin eta.
Basa poe Rebo kamari ge, Teh Yeyet, teu pira nyiwit pipi Nyi Iroh alatan kesel, kabeneran nyiwitna deukeut tangkal caringin. Isukna, da eta mah Teh Yeyet pipina langsung kebi sabeulah. Kitu cenah si jin bangor nu ngageugeuh tangkal caringin eta sok ngawales teu pupuguh. Warga Rancabanyol ge ayeuna mah jarang ngulampreng ka beh dinya. Da sieun kumaonam.
Ngan nu sasangkleng mah aya we. Basa malem Jumaah, Sekdes karek balik ngaroris sawahna. Tengah peuting kabeneran manehna teh ngaliwat ka dinya. Abong jelemana beser, geus teu kuat nahan kahampangan, jol cer wae Sekdes teh mancer di handapeun pisan eta tangkal caringin. Na atuh, pas hudang sare: Sekdes percaya teu percaya... eta mah:
"Gusti... rarasaan mah kuring teu ka Ma Erot, naha jadi bareuh kieu? Moal kitu di-Sotoshop ku si Kuncen? Asa di-zoom 3X! Badag enjum kieu euy!"
Najan ngarasa aneh ge, Sekdes teu ibur. Antara percaya teu percaya, da di sisi lain nguntungkeun; dihaja-haja mah hese. Ngan basa beurang ngariung di warung kopi Jang Epul, manehna kaceplosan nyaritakeun pangalaman manehna tea.
Naha, da eta mah tengah peutingna, basa Hansip patroli. Hansip ningali kaum mutu Rancabanyol jiga keur kontes... kabeh ngajrengjreng handapeun tangkal caringin bari maruka sleting calana! Pas ditanya hiji-hiji teh, jawaban ti warga:
"Bosen tuda uing mah. Ka Ma Erot geus 7 kali euweuh epekna! Maenya ieu tangkal caringin tukangeun imah uing pisan, kabina-bina teu mere epek mah. Panan caringin teh aya na tanah milik uing," ceuk nu kumisan, bari nyerengeh.
"Sami abdi oge!" ceuk lalaki nu katelah sieun ku kunti.
"Ah, ari uing mah lumayan we keur engke lamun pareng kawin. Sugan pamajikan ngomong: Woowww!" ceuk bujangan nu sok naek kana Vespa.
"Ari kuring mah, ti baheula geus cita-cita hayang nu jiga kuda!" ceuk lalaki nu karek balik ti Jepang.
"Abdi mah hoyong we.... da ameh teu tinggaleun trend di Rancabanyol!" jawab tukang dagang sosis.
"Besar... panjang dan kuat, itulah cita-cita saya!" ceuk nu sok ngadadak peperengkelan mun aya organ tunggal di hajatan.
Rupa-rupa alesanna teh, antukna Hansip ge miluan ngecewer di dinya:
"Uing ge miluan we ah. Sugan sarua jeung pentungan nu sok dibabawa ku uing!"
Samentara di luhur tangkal caringin, hiji mahluk kasat mata, ngagerentes:
"Koplok, abong haratisan nya! Hanjakal aing kamari ngagedean nu si Sekdes. Jadi narurutan nya. Lain kunanaon, bau hangseur deuleu ieu markas aing. Sok siah... samarukna ku aing rek digedean jiga si Sekdes... ku aing mah ayeuna keneh kabeh rek dipondokan, rupana jiga jambu monyet!" ceuk Jin nu di alamna mah katelah: Mbah Japilus.
© Abah Amin
Da eta mah, teu lima menit... baham duanana ngadadak bareuh, persis jiga keur ngolomoh bal tenis! Cenah mah maranehna diusap jin nu ngageugeuh tangkal caringin eta.
Basa poe Rebo kamari ge, Teh Yeyet, teu pira nyiwit pipi Nyi Iroh alatan kesel, kabeneran nyiwitna deukeut tangkal caringin. Isukna, da eta mah Teh Yeyet pipina langsung kebi sabeulah. Kitu cenah si jin bangor nu ngageugeuh tangkal caringin eta sok ngawales teu pupuguh. Warga Rancabanyol ge ayeuna mah jarang ngulampreng ka beh dinya. Da sieun kumaonam.
Ngan nu sasangkleng mah aya we. Basa malem Jumaah, Sekdes karek balik ngaroris sawahna. Tengah peuting kabeneran manehna teh ngaliwat ka dinya. Abong jelemana beser, geus teu kuat nahan kahampangan, jol cer wae Sekdes teh mancer di handapeun pisan eta tangkal caringin. Na atuh, pas hudang sare: Sekdes percaya teu percaya... eta mah:
"Gusti... rarasaan mah kuring teu ka Ma Erot, naha jadi bareuh kieu? Moal kitu di-Sotoshop ku si Kuncen? Asa di-zoom 3X! Badag enjum kieu euy!"
Najan ngarasa aneh ge, Sekdes teu ibur. Antara percaya teu percaya, da di sisi lain nguntungkeun; dihaja-haja mah hese. Ngan basa beurang ngariung di warung kopi Jang Epul, manehna kaceplosan nyaritakeun pangalaman manehna tea.
Naha, da eta mah tengah peutingna, basa Hansip patroli. Hansip ningali kaum mutu Rancabanyol jiga keur kontes... kabeh ngajrengjreng handapeun tangkal caringin bari maruka sleting calana! Pas ditanya hiji-hiji teh, jawaban ti warga:
"Bosen tuda uing mah. Ka Ma Erot geus 7 kali euweuh epekna! Maenya ieu tangkal caringin tukangeun imah uing pisan, kabina-bina teu mere epek mah. Panan caringin teh aya na tanah milik uing," ceuk nu kumisan, bari nyerengeh.
"Sami abdi oge!" ceuk lalaki nu katelah sieun ku kunti.
"Ah, ari uing mah lumayan we keur engke lamun pareng kawin. Sugan pamajikan ngomong: Woowww!" ceuk bujangan nu sok naek kana Vespa.
"Ari kuring mah, ti baheula geus cita-cita hayang nu jiga kuda!" ceuk lalaki nu karek balik ti Jepang.
"Abdi mah hoyong we.... da ameh teu tinggaleun trend di Rancabanyol!" jawab tukang dagang sosis.
"Besar... panjang dan kuat, itulah cita-cita saya!" ceuk nu sok ngadadak peperengkelan mun aya organ tunggal di hajatan.
Rupa-rupa alesanna teh, antukna Hansip ge miluan ngecewer di dinya:
"Uing ge miluan we ah. Sugan sarua jeung pentungan nu sok dibabawa ku uing!"
Samentara di luhur tangkal caringin, hiji mahluk kasat mata, ngagerentes:
"Koplok, abong haratisan nya! Hanjakal aing kamari ngagedean nu si Sekdes. Jadi narurutan nya. Lain kunanaon, bau hangseur deuleu ieu markas aing. Sok siah... samarukna ku aing rek digedean jiga si Sekdes... ku aing mah ayeuna keneh kabeh rek dipondokan, rupana jiga jambu monyet!" ceuk Jin nu di alamna mah katelah: Mbah Japilus.
© Abah Amin
Follow:
