Gaya Orba

Baheula di Amerika aya saurang ahli multimedia nu nyobaan nyieun alat sensor ucapan dina TV. Maklum atuh teu saeutik adegan dina TV nu ngucapkeun kecap atawa kalimah kasar, saperti: "Fuck you!", "Son of a bitch", jrrd. Ahirna manehna manggihan alat nu bisa nyensor kecap atawa kalimah kasar eta. Waktu dicobaan, bener we eta alat teh jalan, kalayan bisa ngaleungitkeun kecap/kalimat kasar.

Tah, jaman Orde Baru aya salah saurang ahli nu hayang nyobaan nyieun di Indonesia. Utamana na TVRI nu sok loba kecap nu ceuk manehna kurang merenah, saperti: "diberitahukeun", "dilaksanaken", "atas petunjuk Bapak Presiden," "Tanggung jawab daripada pemerintah," jsb. Eta ahli teh nyobaan ngulik pikeun ngaleungitkeun kalimah atawa kecap nu dimaksud. Tuluy ku manehna dicobaan dina TV-na. Waktu keur aya siaran Laporan Khusus, eta alat dipasang. Bener we, alat teh jalan! "diberitahukeun", "dilaksanaken", "atas petunjuk Bapak Presiden," "Tanggung jawab daripada pemerintah," jsb.bisa leungit! Malah, lain kalimah/kecapna wae nu leungit teh.... si ahli nu nyieunna ge milu leungit! Nepi ayeuna teu apal dimana laratanana.

Follow: