Puguh Jadi Darah Tinggi!

Saurang ibu-ibu asup ka rohangan dokter. Dokter ngayakeun heula pamariksaan berat badan jeung jangkung awakna. Ngan samemehna ditanya heula ku dokter.

"Ibu beurat sabaraha kilo?" tanya dokter.
"Mung 45, Dok!" jawab si ibu gumeulis. Dokter nitah si ibu naek kana timbangan.
"Geuning 65, Bu!" ceuk dokter sanggeus ningali hasil timbangan si ibu.
"Pami tinggi badan?"
"Euh..euh.. 175 cm, Dok!" jawab si pasen. Tuluy dokter ngukur jangkung awakna.
"Euleuh... geuning 150 cm, Bu!"

Tuluy si ibu dipariksa tekanan darahna. Hasilna:
"Duh, Bu. Tekanan darah tinggi geuning ibu teh!'
"Heueuh! Rek teu ngadadak darah tinggi kumaha atuh, Dok! Mimiti datang: jangkung jeung langsing. Ari geus dipariksa... jadi gembrot jeung betekok!" © Abah Amin

Follow: