Betawi, Kemis 20 Mei 2010. Teuing kumaha mimitina, eta dina pas poe Kebangkitan Nasional bet aya Kang SW nu ngador ka Betawi. Cenah ceuk beja ti harewos gaib mah, Kang SW teh salain sono hayang ningali Monas, manehna ge aya niat bisnis. Rencanana Kang SW teh rek badami jeung Kuwu, Sekdes, Kang Asec, Kang Ded, Teh Winda, jeung Neng Emi. Kabeneran Kang SW boga bisnis pengeboran minyak alias oil. Tah salaku makelar sajati, Kang SW rek nawaran pikeun bisnis pengeboran Arabian Oil jeung Baby Oil. Da ideu eta teh jauh-jauh keneh geus disanggap oge ku Kang Jack nu jadi supir kapal tanker jurusan Cimahi-Cililin.
Katingal Kang Asec sareng Kang Dedi nuju ngaletakan mic.
Ahirna, acara riung mungpulung cenah dilaksanakeun wae di Betawi. Teuing naon tah acarana mah. Nu pastina mah acara poto mempoto mah aya wae. Jeung deui, cenah Kang SW teh rek ngadu luhureun halis jeung Kuwu Rancabanyol. Hal ieu numutkeun slogan: "Terus terang tarang eh, Philips terang terus." Tapi, ari geus panggih mah cenah ngadon silih simbeuh ku kadeudeuh, silih toel, malah nepi silih kiceupan sagala.
Ti kenca ka katuhu: Kuwu Uhe, Kang SW, Neng Winda,
Kang Asec, Neng Emi, Sekdes (Ari Kang Dedi ka mana?)
Nya, aya ku bagja tur reueus oge geuning. Jauh dijugjug anggang diteang, Kang SW bisa tepung lawung jeung baraya nu sakitu euweuh modelna deui di dunya ieu. Mugia ieu babarayaan teh sing manjang tur ngahasilkeun. Jadi, kasumpingan Kang SW ka Jakarta teh lain ngan ngitung jarak antara Bandung - Jakarta, tapi aya nu karasa. Minimal karasa cangkeng... da lumayan atuh nyupiran ti Bandung teh. Komo ayeuna mah di tol Purbaleunyi teh loba polisi tidur.
Follow:
Katingal Kang Asec sareng Kang Dedi nuju ngaletakan mic.
Ti kenca ka katuhu: Kuwu Uhe, Kang SW, Neng Winda,
