Insan Sepakbola
Hiji waktu di Juher ngayakan panalungtikan ka para pegiat maenbal. Da cenah sok aya ciri husus di satiap jalma nu ngagugulung widang bola mah. Eta ciri husus teh bisa ditingali tina pangawakan masing-masing jalma. Nya si Juher ngadatangan klub maenbal, di mana kabeh keur ngarumpul di mess eta klub.
"Kang, punten abdi bade tumaros. Pami Akang seuseurna ngagolkeun teh ku mastaka alias nga-headen?" tanya si Juher ka salah saurang pamaen.
"Naha bet terang Kang?"
"Dumeh eta mastaka Akang pehul!"
Manehna tuluy nanya deui kanu lain.
"Akang mah pasti kiper nya!"
"Naha terang?"
"Eta, dampal panangan meni jebrag!"
Tuluy nanya deui. Beuki percaya diri we si Juher da teorina asa beuki bener.
"Akang mah pasti pelatih nya?"
"Leres pisan! Naha terang?"
"Eta pami nyarios sok jojorowokan."
Pindah ka nu lain.
"Akang mah pami teu lepat hakim garis nya?"
"Wah, leres pisan Cep! Abdi mah hakim garis... naha tiasa terang?"
"Eta... pami papah teh sapertos keuyeup. Ka gigir wae."
Nepi ka salah saurang bapa-bapa nu keur ngadaweung .
"Pa, punten bade tumaros? Dupi bapa wasit nya?"
"Mmmmmh!"
"Tuh, kan leres. Abdi tiasa nebak bapa leres profesina wasit, sabab ningali lambey Bapa nu monyong. Moal lepat atuh! Juher gitu lho..."
Naaaaaaaaaa atuh, eta si bapa langsung morongos ka si Juher:
"Salah silaing mah! Aing mah lain wasit, deuleu! Aing mah tukang nyebor jukut di lapang ieu. Ari sia ngahina? Yeuh... aing mah geus monyong ti dituna!!! Ayeuna kadeuleu tambah monyong... da keur karasa nyeri huntu. Der sia kalahkah ngajejeleh beungeut aing. Hayang dikepret siah?!!"© Abah Amin
"Kang, punten abdi bade tumaros. Pami Akang seuseurna ngagolkeun teh ku mastaka alias nga-headen?" tanya si Juher ka salah saurang pamaen.
"Naha bet terang Kang?"
"Dumeh eta mastaka Akang pehul!"
Manehna tuluy nanya deui kanu lain.
"Akang mah pasti kiper nya!"
"Naha terang?"
"Eta, dampal panangan meni jebrag!"
Tuluy nanya deui. Beuki percaya diri we si Juher da teorina asa beuki bener.
"Akang mah pasti pelatih nya?"
"Leres pisan! Naha terang?"
"Eta pami nyarios sok jojorowokan."
Pindah ka nu lain.
"Akang mah pami teu lepat hakim garis nya?"
"Wah, leres pisan Cep! Abdi mah hakim garis... naha tiasa terang?"
"Eta... pami papah teh sapertos keuyeup. Ka gigir wae."
Nepi ka salah saurang bapa-bapa nu keur ngadaweung .
"Pa, punten bade tumaros? Dupi bapa wasit nya?"
"Mmmmmh!"
"Tuh, kan leres. Abdi tiasa nebak bapa leres profesina wasit, sabab ningali lambey Bapa nu monyong. Moal lepat atuh! Juher gitu lho..."
Naaaaaaaaaa atuh, eta si bapa langsung morongos ka si Juher:
"Salah silaing mah! Aing mah lain wasit, deuleu! Aing mah tukang nyebor jukut di lapang ieu. Ari sia ngahina? Yeuh... aing mah geus monyong ti dituna!!! Ayeuna kadeuleu tambah monyong... da keur karasa nyeri huntu. Der sia kalahkah ngajejeleh beungeut aing. Hayang dikepret siah?!!"© Abah Amin
Follow:
