Kaleuleuwihi
Si Adun jeung si Somad keur ngobrol.
“Mad, kamari mah di Rusia aya kacilakaan motor. Tapi nu maotna nepi ka aya saratus lima puluh urangna!” Ceuk si Adun.
“Wah, maenya tabrakan motor korbanna nepi ka saratus lima puluh urangna kitu!?” si Somad heran.
“Heueuh. Kajadiana mah, aya dua motor tabrakan di jalan. Motor nu kahiji ngacleng. Geus puguh nu ngajalankeunna mah maot da tabrakanna tarik pisan. Tah, motor teh ngacleng ka warung bensin 4 tak. Kabeneran nu jagana di dinya aya nu ngaroko. Atuh eta warung ngabeledug. Kabeneran di tukangeun warung aya mobil truk tentara Rusia nu keur cicing. Eta mobil tentara teh keur ngangkut amunisi pikeun latihan perang. Na, can euereun atuh...eta kabeh amunisi teh ngabeledug nepi beunang ka reaktor nuklir nu jarakna aya lima ratus meteran ti dinya. Eta mah kabeh sawilayah didinya maot kabeh!”
“Sakalian we atuh, geus reaktor nuklirna ngabeledug, keuna kana kapal Boeing pangbadagna nu keur ngapung. Terus eta kapal murag ka stadion maenbal nu keur pinuh ku penonton. Kumaha, alus?” Ceuk si Somad kagok wadulna si Adun nambahan gede.
© Abah Amin
“Mad, kamari mah di Rusia aya kacilakaan motor. Tapi nu maotna nepi ka aya saratus lima puluh urangna!” Ceuk si Adun.
“Wah, maenya tabrakan motor korbanna nepi ka saratus lima puluh urangna kitu!?” si Somad heran.
“Heueuh. Kajadiana mah, aya dua motor tabrakan di jalan. Motor nu kahiji ngacleng. Geus puguh nu ngajalankeunna mah maot da tabrakanna tarik pisan. Tah, motor teh ngacleng ka warung bensin 4 tak. Kabeneran nu jagana di dinya aya nu ngaroko. Atuh eta warung ngabeledug. Kabeneran di tukangeun warung aya mobil truk tentara Rusia nu keur cicing. Eta mobil tentara teh keur ngangkut amunisi pikeun latihan perang. Na, can euereun atuh...eta kabeh amunisi teh ngabeledug nepi beunang ka reaktor nuklir nu jarakna aya lima ratus meteran ti dinya. Eta mah kabeh sawilayah didinya maot kabeh!”
“Sakalian we atuh, geus reaktor nuklirna ngabeledug, keuna kana kapal Boeing pangbadagna nu keur ngapung. Terus eta kapal murag ka stadion maenbal nu keur pinuh ku penonton. Kumaha, alus?” Ceuk si Somad kagok wadulna si Adun nambahan gede.
© Abah Amin
Follow:
