Lamun di Urang Usum Salju

"Untung nya Mang, di urang mah ngan aya usum halodo jeung usum hujan. Coba mun aya usum hujan salju.."
"Naha kitu?"
"Ah, hayu we urang ngabayangkeun babarengan, Mang. Karunya nu di lembur nu imahna ku hateup. Acan eta sumur Nyi Iroh aya bahan moal bisa ditimba, da kaeusian es!"
"Enya. Ngeunah mah tukang es serut. Kari nyokotan es... kari dicitak, tuluy we dibanjur ku sirop!"
"Mmmh. Jadi hayang. Inget keur leutik ngemotan es nepi menta nambah deui siropna!"
"Euh..kalakuan teh. Enggeusna batuk jeung pilek nya? Apollo 11 we tuluy nolol tina irung? Disusut ku dampal leungeun..."
"Hahaha.. nyahoan wae Mang mah!"
"Eta mun usum salju. Urang moal bisa ngaronda meureun nya? Mun maksakeun ngaronda ge, moal diharudum sarung. Paling make jeket kandel jeung simbut bari nangkeup boneka Teddy Bear. Acan mun ngaronda teh, moal bisa ngarabut sampeu di kebon Bah Edoy! Katambah moal bisa dudurukan kawas ayeuna..."
"Untung nya Mang urang hirup di nagara tropis?"
"Enya. Jabaning usum salju mah hawana tiris. Hayoh we meureun nginuman bandrek atawa bajigur! Paling ge beser terus bulak-balik ka cai...."
"Hahahahaha..."
"Kunaon seuri?"
"Lain Mang mun di urang usum salju, aya bahan boga anak riab. Unggal peuting hawana matak ngahodhod. Komo ditambah ti PLN mindeng aliran mah...."
"Yeeeh, ilaing mah. Pikiran teh sapukeun! Ngeres wae nya. Loslos ka ngalekuy sagala! Mun usum salju, Mang mah karunya mah ilaing!"
"Naha Mang?"
"Eta maneh sok kabiasaan dolbon! Hese rek ngali taneuh teh... "
"Aah, Mang mah apal wae. Uing mah mun usum salju, rek maen ski.. make sendal capit we! Tuluy rek sosorodotan luhureun balong..."

Follow: