Tips Hemat BBM
Bulan November 2014, pamarentah naekkeun harga BBM. Reaksi aya nu humarurung, biasa-biasa, malah aya nu atoh. Respon masarakat bisa ditingali di media sosial, meh unggal detik aya we nu ngapdet ngeunaan harga bengsin jeung solar nu naek. Teuing memang boga pamikiran nu daria, teuing memang following the buffallo alias ngan saukur tuturut munding. Di jaman serba status jeung komen tea, mun euweuh bahaseun teh asa kudet bin kurang apdet meureun. Tapi dalah dikumaha ge, da BBM mah kawas monyet... geus kadung resep tataekan. Ayeuna mah kari urangna we palakiah sangkan kumaha bisa ngahemat BBM. Tips di handap ieu mugia euweuh mangpaatna:
1. Usahakeun mun rek indit-inditan, leumpang we. Nu gelo ge kuateun leumpang ti Bandung ka Cirebon. Maenya urang nu waras rek eleh ku nu gelo?
2. Ganti mobil nu ukuranna leutik ku nu ukuranna gede. Ameh muat keur penumpang loba. Misalna mobil Daihatsu Ceria, ganti we... meuli beus DAMRI.
3. Kendalikeun pedal gas, rem, jeung kupling sing lemes tur merenah. Ngan mobil/motor tong distarter.
4. Teangan SPBU nu keur ngagelar diskon, nepi 50% mun bisa mah.
5. Tempat gawe mun bisa nu deukeut imah... mitoha. Mun beak duit keur meuli bensin, bisa nyimpang heula menta subsidi ka mitoha.
6. Mun memang tempat gawe jauh, ameh teu kajebak macet... indit pangheulana. Misalna, gawe asup jam 8 isuk-isuk, urang geus indit ti imah jam 2 janari. Kajeun teuing di jalan papapag jeung kunti. Inget!!.. da niatna ge ngahemat BBM.
7. Gunakeun alat transportasi alternatif... misalna ka kantor make roda keusik. Mawana mah giliran we jeung babaturan. Bisa oge dicoba make kursi roda. Mun tetep hayang kana mobil, milu nangkel we kana mobil tinja, misalna.
8. Mun petugas SPBU ngomong: "Dari nol ya, Pak?" menta we: "Saya ingin dari -10."
9. Usahakeun naek kendaraan umum. Mun hayang hemat keneh, pas rek nepi ka tempat nu dituju, misalna naek beus, api-api we kasurupan... omat bari gagarapakan jeung abrug-abrugan. Ameh ku kenek diturunkeun di jalan.
10. Meuli paket BBM nu unlimited jeung jangka waktuna panjang, misalna sataun.
1. Usahakeun mun rek indit-inditan, leumpang we. Nu gelo ge kuateun leumpang ti Bandung ka Cirebon. Maenya urang nu waras rek eleh ku nu gelo?
2. Ganti mobil nu ukuranna leutik ku nu ukuranna gede. Ameh muat keur penumpang loba. Misalna mobil Daihatsu Ceria, ganti we... meuli beus DAMRI.
3. Kendalikeun pedal gas, rem, jeung kupling sing lemes tur merenah. Ngan mobil/motor tong distarter.
4. Teangan SPBU nu keur ngagelar diskon, nepi 50% mun bisa mah.
5. Tempat gawe mun bisa nu deukeut imah... mitoha. Mun beak duit keur meuli bensin, bisa nyimpang heula menta subsidi ka mitoha.
6. Mun memang tempat gawe jauh, ameh teu kajebak macet... indit pangheulana. Misalna, gawe asup jam 8 isuk-isuk, urang geus indit ti imah jam 2 janari. Kajeun teuing di jalan papapag jeung kunti. Inget!!.. da niatna ge ngahemat BBM.
7. Gunakeun alat transportasi alternatif... misalna ka kantor make roda keusik. Mawana mah giliran we jeung babaturan. Bisa oge dicoba make kursi roda. Mun tetep hayang kana mobil, milu nangkel we kana mobil tinja, misalna.
8. Mun petugas SPBU ngomong: "Dari nol ya, Pak?" menta we: "Saya ingin dari -10."
9. Usahakeun naek kendaraan umum. Mun hayang hemat keneh, pas rek nepi ka tempat nu dituju, misalna naek beus, api-api we kasurupan... omat bari gagarapakan jeung abrug-abrugan. Ameh ku kenek diturunkeun di jalan.
10. Meuli paket BBM nu unlimited jeung jangka waktuna panjang, misalna sataun.
Follow:
