Sugan Teh

Tengah peuting...

Mang Emplud jeung Nyi Ikem, panganten anyar keur bulan madu di hiji hotel. Lampu nu dihurungkeun ngan lampu tidur jeung TV nu keur nyiarkeun berita. TV rada leutik sorana. Nyi Ikem geus ngagoler luhureun kasur make gaun. Mang Emplud jiga nu bingung. Manehna diuk di gigireun pamajikanna. Manehna ngusap pipi pamajikanna terus nyepeng taktak. Dipencetan lalaunan...
"Ah, Akang mah!" cik Nyi Ikem bangun nu geugeut.
Mang Emplud terus mencetan lalaunan, kana awak terus nepi ka handap. Nyi Ikem deg degan, maklum karek mimiti dikitukeun ku lalaki. Salakina geus jarambah nepi palebah pingping. Di dinya, manehna ngeurenkeun pencetanana. Tuluy, leungeunna ngusiwel ka handapeun pingping.

Teu lila...
"Aduuh Nyai! Ahirna, kapanggih oge!" Mang Emplud bangun nu bungah.
"Kapendak naon Akang..iiiih... Akang mah?" Nyi Ikem beuki gumeulis.
"Ieu remote TV handapeun Nyai geuning! Euh, titadi diteangan teh. Sakeudeung deui jam dua. Waktuna Barca VS Madrid yeuh!!" ceuk Mang Emplud bari nyiuman remote TV.

Follow: