Ketua LKMD Rancabanyol (Ki Ubbay)
Pasosore, Ki Ubbay karek datang geus dagang sayur. Biasa, ngider ngurilingan kampung. Aneh sorangan ieu mah tukang sayur teh, dagangna ba'da lohor. Batur mah normalna isuk-isuk waktu Hansip rek sare ba'da begadang. Jeung deuih, lamun keur dagang nanggung sayur teh manehna boga ciri khas sora nu dilagukeun dina nada dasar C# Mayor Jenderal:"Yuuuur! Bayuuuuur.... eh, sayuuuuuuuuuuur!"
Teu salah mun keur dagang jiga kitu teh osok dipalengpeng sendal ku ibu-ibu Rancabanyol. Saru pisan cenah. Tapi ngaranna ge Ki Ubbay manehna mah teu weleh seuri.
"Hirup mah kudu dinikmati jeung teu weleh bagja. Dinikmati we, kajeun dahar jeung sangu tilu piring ditambah deungeunna gepuk ge. Urang mah kudu narimakeun kabagjaan, kajeun boga duit dolar opat karung ge!" kitu ceuk Ki Ubbay basa neundeun tanggungan di jero garasi, dihijikeun jeung Lamborghini made in Ciwidey.
"Muhun Ki. Cik lah Ki aya sayur sesa?" tanya kuring.
"Aya yeuh. Arek paria rasa strawberry?" ceuk Ki Ubbay bari ngasongkeun paria warna pink.
"Paria ti saha eta Ki? Unik kitu!"
"Eta teh paria ti Jang Epul. Biasa meunang tatanen di Lembang. Kabeneran Jang Epul mah jelemana ngulik. Paria belut bisa dikawinkeun jeung strawberry. Malah rencana mah ngawinkeun hui jeung takokak! Sugan we kolotna ngidinan."
"Amiin. Ari jodo mah moal kamana, Ki! Estuning urang mah ngan bisa usaha..."
"Enya atuh. Ke kuring rek mandi heula ieu teh. Sakalian rek luluran, manicure-pedicure, Tungguan we di kandang domba nya Bah? Bisi rada lila mandina. Sakalian geus lila teu nyampoan kumis!"
***
3 menit....
"Keur naon Bah? Ngalamun we? Kuring geus beres mandina yeuh. Ayeuna mah urang ngadaweung wae nya, sakalian ngadubako! Hampura mun tadi mandina lila teuing!"
Kuring ngahuleng bari kerung. Mandi naon ngan 3 menit? Papatong mah mending leutik awakna rek mandi sakeudeung ge. Gajah atawa munding oge nu badag... guyangna aya kana sajam. Lieur ah rek ditanyakeun ge. Bisi ngamuk. Ngan nu pasti mah ningali kumis Ki Ubbay asa lucir.
"Naon Bah, ningali wae kumis uing? Panasaran naha bet lucir? Ieu kumis tadi geus mandi, diulasan make Lavender!"
"Oooh... naha Lavender mah asa teu lucir teuing da?"
"Hehehe... ditambahan minyak tawon saeutik! Ameh gancang gomplokna! Hayang geura ngelehkeun Lurah jeung Camat tuda! Diantara Trio Kumis, uing wungkul nu can meunang gacoan yeuh!"
Trio Kumis Rancabanyol:
Ki Camat - Ki Ubbay - Ki Lurah
"Ngelehkeun jeung gacoan naon maksudna?"
"Eta panan Lurah jeung Camat mah geus bisa kencan jeung artis. Lurah geus kencan jeung Syahrini. Ki Camat malah baheula pernah ngajak dahar Aura Kasih jeung Luna Maya. Akibat tina boga kumis hade eta teh!"
"Karunya teuing atuh salira teh. Kitu-kitu oge Ki Lurah jeung Ki Camat mah nehnik jeung nyistem dina ngagaet wanoja mah!"
"Puguhan, dina bab ieu... kuring ngarasa eleh. Tapi ari can nyobaan mah can bisa disebut gagal pan? Kudu meunang selebritis hiji wae mah! Kabita tuda eta Ki Lurah mani geugeut pisan ditangkeup Neng Syahrini!"
"Enya lumayan ngaruntagkeun imajinasi jalu jigana teh. Teu cara Bunhaw nu ngagugulung manekin. Memang saha selebritis inceran Ki Ubbay teh?"
"Kuring hayang pisan ngajak kencan... Mpok Atiek jeung Omas! Jiga nu dilakukeun Ki Camat nu geus ngajak Aura Kasih jeung Luna Maya!"
"Sok atuh geura mijah jeung kumincir!"
"Jaba kuring mah panan ketua LKMD kudu bisa pisan ngagunakeun kumis!"
"Naha, naon hubunganna kumis jeung LKMD?"
"Eh, si Abah mah. LKMD teh singketan tina Lelaki Kumisan Mendambakan Donto!"
"Beu! Sugan teh Lelaki Kumisan Mendambakan Domba!"
"Can apal oge nya naon KUMIS?"
"Teu acan. Naha aya singketanna oge?"
"Aya atuh, KUMIS = Ketika Ubbay Mendadak Ingat Seseorang! Gagah nya?"
"Naha, cenah saur Ki Lurah mah, Kumis teh singketan: Ki Ubbay Mendadak Ingin Sitrun! Lamun ceuk Ki Camat, KUMIS = Ki Ubbay Manyun Ingin Selingkuh!"
"Nya, ka uing teh sok bisa we ngekeakna eta Ki Lurah jeung Ki Camat teh. Awas rasakan pembalasanku!"
"Ari masalah duet jeung Amih Ade masih berlanjut?"
"Wah, geus bubar Bah! Kumaha we Anang jeung Syahrini. Loba teu cocokna. Komo mun duet mawakeun lagu India mah. Amih mah mijah teuing. Eta we mun geus gugulutukan na jukut, da Amih mah bari didaharan jukutna."
"Euleuh, kuat ka kitu nya?"
"Jeung deuih eta Amih mah mun geus nyanyi ngirung! Matak ngajelenging kana ceuli!"
"Kutan? Pantesan atuh rada ngik ngok mun keur nyanyi!"
"Enya. Jeung kuring sorangan ge asa hoream duet jeung Amih, era sorangan. Maklum kuring mah sok gehgeran. Amih ngagitek... kuring colohok. Amih colohok, kuring ngagitek. Jadi teu nyambung-nyambung!"
"Atuh, kitu mah mending diwewelan es krim ku Ki Lurah nya?"
"Gandeng siah!! Lurah eupleu... uing kuat kabesekan! Jeung eta rametek na kumis. Sagagah-gagahna kumis, ari pinuh rametek ku es krim mah ilang wibawa atuh euy!"
© Abah Amin
Teu salah mun keur dagang jiga kitu teh osok dipalengpeng sendal ku ibu-ibu Rancabanyol. Saru pisan cenah. Tapi ngaranna ge Ki Ubbay manehna mah teu weleh seuri.
"Hirup mah kudu dinikmati jeung teu weleh bagja. Dinikmati we, kajeun dahar jeung sangu tilu piring ditambah deungeunna gepuk ge. Urang mah kudu narimakeun kabagjaan, kajeun boga duit dolar opat karung ge!" kitu ceuk Ki Ubbay basa neundeun tanggungan di jero garasi, dihijikeun jeung Lamborghini made in Ciwidey.
"Muhun Ki. Cik lah Ki aya sayur sesa?" tanya kuring.
"Aya yeuh. Arek paria rasa strawberry?" ceuk Ki Ubbay bari ngasongkeun paria warna pink.
"Paria ti saha eta Ki? Unik kitu!"
"Eta teh paria ti Jang Epul. Biasa meunang tatanen di Lembang. Kabeneran Jang Epul mah jelemana ngulik. Paria belut bisa dikawinkeun jeung strawberry. Malah rencana mah ngawinkeun hui jeung takokak! Sugan we kolotna ngidinan."
"Amiin. Ari jodo mah moal kamana, Ki! Estuning urang mah ngan bisa usaha..."
"Enya atuh. Ke kuring rek mandi heula ieu teh. Sakalian rek luluran, manicure-pedicure, Tungguan we di kandang domba nya Bah? Bisi rada lila mandina. Sakalian geus lila teu nyampoan kumis!"
***
3 menit....
"Keur naon Bah? Ngalamun we? Kuring geus beres mandina yeuh. Ayeuna mah urang ngadaweung wae nya, sakalian ngadubako! Hampura mun tadi mandina lila teuing!"
Kuring ngahuleng bari kerung. Mandi naon ngan 3 menit? Papatong mah mending leutik awakna rek mandi sakeudeung ge. Gajah atawa munding oge nu badag... guyangna aya kana sajam. Lieur ah rek ditanyakeun ge. Bisi ngamuk. Ngan nu pasti mah ningali kumis Ki Ubbay asa lucir.
"Naon Bah, ningali wae kumis uing? Panasaran naha bet lucir? Ieu kumis tadi geus mandi, diulasan make Lavender!"
"Oooh... naha Lavender mah asa teu lucir teuing da?"
"Hehehe... ditambahan minyak tawon saeutik! Ameh gancang gomplokna! Hayang geura ngelehkeun Lurah jeung Camat tuda! Diantara Trio Kumis, uing wungkul nu can meunang gacoan yeuh!"
Trio Kumis Rancabanyol:Ki Camat - Ki Ubbay - Ki Lurah
"Ngelehkeun jeung gacoan naon maksudna?"
"Eta panan Lurah jeung Camat mah geus bisa kencan jeung artis. Lurah geus kencan jeung Syahrini. Ki Camat malah baheula pernah ngajak dahar Aura Kasih jeung Luna Maya. Akibat tina boga kumis hade eta teh!"
"Karunya teuing atuh salira teh. Kitu-kitu oge Ki Lurah jeung Ki Camat mah nehnik jeung nyistem dina ngagaet wanoja mah!"
"Puguhan, dina bab ieu... kuring ngarasa eleh. Tapi ari can nyobaan mah can bisa disebut gagal pan? Kudu meunang selebritis hiji wae mah! Kabita tuda eta Ki Lurah mani geugeut pisan ditangkeup Neng Syahrini!"
"Enya lumayan ngaruntagkeun imajinasi jalu jigana teh. Teu cara Bunhaw nu ngagugulung manekin. Memang saha selebritis inceran Ki Ubbay teh?"
"Kuring hayang pisan ngajak kencan... Mpok Atiek jeung Omas! Jiga nu dilakukeun Ki Camat nu geus ngajak Aura Kasih jeung Luna Maya!"
"Sok atuh geura mijah jeung kumincir!"
"Jaba kuring mah panan ketua LKMD kudu bisa pisan ngagunakeun kumis!"
"Naha, naon hubunganna kumis jeung LKMD?"
"Eh, si Abah mah. LKMD teh singketan tina Lelaki Kumisan Mendambakan Donto!"
"Beu! Sugan teh Lelaki Kumisan Mendambakan Domba!"
"Can apal oge nya naon KUMIS?"
"Teu acan. Naha aya singketanna oge?"
"Aya atuh, KUMIS = Ketika Ubbay Mendadak Ingat Seseorang! Gagah nya?"
"Naha, cenah saur Ki Lurah mah, Kumis teh singketan: Ki Ubbay Mendadak Ingin Sitrun! Lamun ceuk Ki Camat, KUMIS = Ki Ubbay Manyun Ingin Selingkuh!"
"Nya, ka uing teh sok bisa we ngekeakna eta Ki Lurah jeung Ki Camat teh. Awas rasakan pembalasanku!"
"Ari masalah duet jeung Amih Ade masih berlanjut?""Wah, geus bubar Bah! Kumaha we Anang jeung Syahrini. Loba teu cocokna. Komo mun duet mawakeun lagu India mah. Amih mah mijah teuing. Eta we mun geus gugulutukan na jukut, da Amih mah bari didaharan jukutna."
"Euleuh, kuat ka kitu nya?"
"Jeung deuih eta Amih mah mun geus nyanyi ngirung! Matak ngajelenging kana ceuli!"
"Kutan? Pantesan atuh rada ngik ngok mun keur nyanyi!"
"Enya. Jeung kuring sorangan ge asa hoream duet jeung Amih, era sorangan. Maklum kuring mah sok gehgeran. Amih ngagitek... kuring colohok. Amih colohok, kuring ngagitek. Jadi teu nyambung-nyambung!""Atuh, kitu mah mending diwewelan es krim ku Ki Lurah nya?"
"Gandeng siah!! Lurah eupleu... uing kuat kabesekan! Jeung eta rametek na kumis. Sagagah-gagahna kumis, ari pinuh rametek ku es krim mah ilang wibawa atuh euy!"
© Abah Amin
Follow:
