Amih Ade
Ngahaja tadina mah rek nepungan Amih Ade ka imahna. Ngan geus nepi lawang, aya tulisan kertas sagede A4 dina panto: Punten, Amih nuju ngaseuk di kebon. Pami aya nanaon, susul wae ka kebon caket sampalan lega di kaler. Konci bumi mah aya di handapeun pot kembang. Ngahaja disimpen di dinya supados teu terangeun nu niat ngabangsat ka bumi Amih. Hatur nuhun.
Atuh, kapaksa lalampahan teh diteruskeun ka kebon Amih. Bener we pas anjog ka ditu, Amih keur ngaseuk.
"Nuju naon, Mih?" tanya kuring ngajorowok.
"Abaaaah! Geuning kersa nyusul Amih ka dieu? Ieu nuju melak suuk!" jawab Amih bari menerkeun sampingna, "bade naon, Bah?"
"Ah, henteu. Mung bade ngaroris wungkul warga. Ieu aya amanat ti Ki Lurah. Paur aya warga ngaleungit teu pupuguh. Bilih aya nu nyuci otak!" jawab kuring bari diuk handapeun tangkal cau.
Amih nyampeurkeun. Atuh obrolan dituluykeun.
"Abaaaah! Geuning kersa nyusul Amih ka dieu? Ieu nuju melak suuk!" jawab Amih bari menerkeun sampingna, "bade naon, Bah?"
"Ah, henteu. Mung bade ngaroris wungkul warga. Ieu aya amanat ti Ki Lurah. Paur aya warga ngaleungit teu pupuguh. Bilih aya nu nyuci otak!" jawab kuring bari diuk handapeun tangkal cau.
Amih nyampeurkeun. Atuh obrolan dituluykeun.
Mih, naha wawanian wayah kieu nyalira ngaseuk di kebon?Wios ah, da moal aya nanaon ieuh. Panan itu dibaturan ku maung Ceu Ida. Rada aman teu aya nu ngaganggu.
Euleuh, tapi maungna mana Mih. Asa teu ningal abdi mah. Tos diparaban?
Itu di tonggoh dicangcang di saung Ki Ubbay. Atos tadi diparaban bakakak 2 siki. Lapar keneh mah, panan aya Abah! Waregeun jigana.
Iiiih.... Amih sok kitu nya. Pait daging abdi mah. Direntalkeun eta maung Ceu Ida teh, Mih?
Muhun. Sajamna dua rebu maratus! Bonus ka Amih mah sajam saurna.
Ari rentalan mobil Amih kumaha?
Ah, antep we eta mah ku Jang Adit. Kesel tuda Amih mah ngarental teh.
Naha, Mih?
Puguhan geus nyaho ngarentalkeun mobil. Na ari warga Rancabanyol mah da sok aneh-aneh. Sapertos kamari Mang Ablo.
Naon kitu, Mih?
Eta tuda hoyong ngarental kareta kencana ti Laut Kidul. Puguh, sesah ngarental kareta kencana ti dinya mah. Langki dikaluarkeun!
Aya-aya wae Mang Ablo teh atuh. Dupi Amih eta jempol ageung kitu nu palih katuhu?
Muhun. Kieu ari bati seueur ngajempolan komen baraya teh. Pokona mah, Amih mah sadinten minimal 792 komen baraya kedah dijempolan. Matakna sok ateul pangambung pami teu ngajempolan teh.
Ari ngantri BLT masih keneh, Mih?
Tos tobat. Cangkeul ngantosanna. Eta tos ngantri 3 jam, Amih mah sok sasanggaleun sampean. Jeung deuih, sieun kasakit kalingsir Amih karaos deui. Tapi, panan ayeuna mah program BLT-na ge tos distop ku Ki Lurah. Ayeuna mah Amih diajar ngantri ka MCK wae. Pokona Amih nuju ngabudayakeun ngantri dimana wae! Hidup ngantri!!
Leres Amih teh resep lagu Elvi Sukaesih?
Iiih... resep pisan Amih mah ka lagu Elvi Sukaesih. Komo eta lagu Mandi Madu!
Naha, Mih? Aya sajarahna?
Sajarahna, kapungkur Prabu Kian Santang atawa Pangeran Walangsungsang atawa Sunan Rohmat atawa Sunan Godog atawa Ki Samadullah atawa Abdullah Iman atawa Pangeran Cakrabuana atawa Hurang Sasakan atawa Sri Mangana atawa Gagak Lumayung atawa Maulana Ifdil Hanafi atawa Haji Tan Eng Hoat dilahirkeun taun 1423 M mangrupakeun anak kahiji ti hasil perkawinan antara Prabu Siliwangi sareng Nyai Subang Larang atawa Nyai Subang Karancang. Tah, makam Kian Santang teh versina aya dimana-mana, aya versi komplek pemakamam Gunung Jati – Cirebon, di daerah Godog – Garut – Jawa Barat, di daerah leuweung Sancang – Garut sareng di wewengkon sanesna....
Tah, hubunganna sareng Mandi Madu?
Duka, Amih ge lieur. Da jaman Kian Santang mah teu acan aya radio. Janten Amih ge bingung nalungtikna. Naha Kian Santang sok ibak ku madu? Kumaha tah pamendak Abah?
Yeh, naha jadi naros ka abdi? Ari Amih damang?
Puguhan ieu teh mastaka rada jangar. Kapoe tuda. Ari kahoyong Amih mah Bandung teh aman we, tong aya silih serang komo ngadurukan mobil bari ngamacetkeun jalan mah! Yeuh, kajeun urang Sunda hade basa jeung someah ka semah.... tapi ari geus diganggu mah, Amih salaku turunan jawara... pasti siap padungdung tarung. Jiga Eka Ramdani ngudag bal!
Kapoe timana? Apanan ieu mah nembe wanci janari? Tabuh 01.40....
Tah, resep pami jam sakieu lalajo sinetron Putri Yang Ditukar atawa nonton Copa Amerika.
Puguhan abdi ge lieur. Naha Amih tabuh sakieu aya di dieu?
Muhun. Amih ge bade ngiringan arisan sareng Nyi Iroh.
Ti kajauhan katingal aya cahaya obor. Geuning Jang Adit, putrana Amih.
"Amiiiih!! Enggal uih! Kabiasaan ah, Amih mah ari tos ngalindur parah kieu teh. Adit deui Adit deui nu cape nyusulan. Cik atuh Mih ngalindur teh kali-kali mah jarakna nu caket, di kamer mandi atuh paling tebih ge. Ieu mah loslos ka kebon," kadenge Jang Adit ngutruk ti deukeut rungkun awi.
Kuring ngan bisa olohok basa disidik-sidik dicorongan raray Amih Ade ku batre.... eh, socana nembe muka. Bari tuluy gigisik. Paingan ngomong asa teu nyambung!
Follow:
