Elfa Secioria

Elfa Secioria Hasbullah Ridwan, lahir di Garut, Jawa Barat, 20 Pebruari 1959. Asalna ti kulawarga anu mikacinta kana musik. Bapana, Hasbullah Ridwan saurang pulisi militer anu aktip dina maen musik, di dipikawanoh jadi konduktor sarta pamaen jazz. Sakola SD di Bandung (1971), SMPN IX, Bandung (1974), SMAN III, Bandung (1977), Akademi Teknologi Nasional, Bandung (Tingkat II, 1980).

Mimiti latihan piano dina umur 5 taun. Dina umurna anu kadalapan, manehna jadi pamaen piano dina Trio Jazz Yunior IVADE. Miluan Piano Privat 1 sarta 2 di Bandung (1970-1974), diajar musik Simfoni di Bandung (1971-1978) sarta diajar Aransemen Orkestra di Bandung (1974-1978).

Meunangkeun bimbingan ngeunaan teori sarta sajarah musik, komposisi, sarta sipat instrumen ti Kapten Anumerta F.A. Warsono, pamingpin Orkes Simfoni Angkatan Darat Bandung. Manehna kungsi manggung jeung panon katutup waktu umurna 11 taun sarta nyieun group vokal anu geus meunangkeun dalapan grand champion festival paduan suara di luar nagari, dina waktu umurna 19 taun.

Taun 1982, dina ASEAN Song Festival di Bangkok, Elfa nyabet piala minangka jadi Pengaransir Terbaik. Di taun 1984, dina acara anu sarua di Manila, manehna ngahontal deui pangajen pikeun The Best Arranger and the Best Song, liwat Lagu anu manehna tampilkan, Detik Tak Bertepi, anu dinyanyikan ku Christine Panjaitan. Di festival kasebut makalah anu dijudulan "Saluang, Pupuit, Talempong, Gandang (Minangkabau) Indonesia" anu ditulis manehna oge nampa pujian ti para peserta sejen.

Dina Golden Kite Festival di Malaysia, 1984, meunang pangajen minangka The Best Performer jeung lagu Kugapai Hari Esok, anu dinyanyikan ku Harvey Malaiholo. Salila karierna, Elfa geus 14 kali jadi pengaransir orkes Telerama sarta pikeun Candra Kirana di TVRI.

Elfa kungsi jadi konduktor dina orkes simfoni Yamaha di Budokan Hall, Tokyo waktu lumangsung acara World Popular Song Festival dina taun 1982. “Keprok anu sadana kawas hujan, wuzzz, nyieun kuring ngaburigidig!” ceuk Elfa. Pangalaman sejen anu oge paling mere kesan nyaeta sawaktu manehna kudu ngabereskeun 17 aransemen musik salila tujuh jam di jero pesawat dina taun 1983.

Manehna oge di wawuh minangka pangadeg grup musik Elfa's Singer, anu ieu geus ngarilis tujuh albeum. Albeum anu ka tujuh nu dibere judul Elfa's Singers dijieun dina raraga 30 taun eksistensi maranehanana di musik Indonesia. Nurutkeun Elfa, albeum eta dijieun minangka wujud syukur luhur keberhasilanna tahan salila ieu.

Elfa Secioria ninggalkeun alam fana ieu Saptu, 8 Januari 2011, pukul 17.00 WIB di RS Pertamina, Jakarta Pusat. Elfa dipikawanoh musisi nu geus nganteur ngalejitkeun ngaran-ngaran artis, seperti Sherina, Yana Julio, Agus Wisman, Lita Zen, jeung Andien.

Follow: