Kecap Panyeluk

Kecap panyeluk nyaeta kecap nu ngebrehkeun rarasaan. Kecap ieu pikeun ngantebkeun naon-naon nu karasa ku hate, saperti sedih, reuwas, kuciwa, ambek, heran, keuheul, jsb. Di handap ieu rupa-rupa kecap panyeluk nu larap dina kalimah:

- Huh, aing mah geus cape-cape masang poto profil di Pesbuk, der kalahkah dilelewe.
- Euleuh-euleuh, eta Nyi Iroh mani geulis!
- Ey, si eta mah mun heuay teh sok bari sisidueun.
- Adeuh, duaan wae jeung hansip yeuh?
- Alhamdulillah, kuring lulus ujian genk motor.
- Aduh, naha sirah teh asa jadi pehul kieu, nya?
- Ah, teu percaya saacan Nyai ngabuktikeun cinta ka Akang mah.
- Na, ari maneh kalakuan teh jiga kitu patut.
- Yeuh, ari jadi calon salaki teh kali-kali mah atuh tong ngajak gelut wae calon mitoha.
- Oh, eta mah nini tere kuring nu ka-9!
- Anjir, si eta bisaan euy nguseup hiuna.
- Ambuing, aya ku lenjang kitu eta awak Mpok Nori.
- Sukur, ayeuna maneh geus eling deui.
- Hey, kamana wae?
- Jih, naha teu apal kitu?
- Oh, eta mah kuring ge apal atuh.
- Masya Allah, saha ieu nu ngawur-ngawurkeun paku payung?
- Edun, maneh beuki kasep wae euy.
- Tah, dengekeun ku rerebing sia ari kolot ngomong teh!
- Hah, teu percaya uing mah, sumpah!

Follow: