Nu Ararunik

Sheik Shakhbut, mantan panguasa Abu Dhabi, oge salah saurang pamingpin Arab nu meunang rejeki nomplok basa dipanggihanana sumber minyak di jazirah Arab. Ngan, penduduk Abu Dhabi sok ngarasa heran, sabab kajeun minyak geus loba disedot, duit nu dihasilkan tina penjualan minyak bumi teh teu katingali dimana juntrunganana.

Tah, antukna timbul wae parebutan kakuasaan. Sheik Shakhbut bisa diurunkeun tina kakuasaanana. Nepikeun hiji komisi dijieun pikeun nalungtik kamana tah duit hasil minyak Abu Dhabi teh. Ti istana karajaan kabongkar ngeunaan misteri duit-duit teh. Salila pamarentahanna, geuningan Sheik Shakhbut geus nyumputkan hasil ngajualan minyak teh di unggal bagean istanana, ti mimiti disimpen di handapeun kasur, lomari, karpet, jeung tempat-tempat lainna. Pokona, hese tah keur ngitung sabaraha loba nu disumputkeun ku Sheik Shakhbut. Pikeun gambaran: kurang leuwih aya duit kertas sajumlah 2 juta dollar nu geus ruksak dihakan ku beurit!

Follow: