Pakasaban

Tukang Baso

Beres dahar baso.
"Mang baso naha teh teu baruleud. Asa teu puguh bentuk, beda jeung tisasari........!"
"Puguh kamari keur dijieun, can peungkeur... eh, kaidek ku entog!"

Tukang Asongan

"Najis aing mah moal sakali-kali deui dagang asongan di POM bensin deukeut parapatan! Karek dagang 10 menit, geus beak diusir jeung dicarekan manten."
"Emang maneh dagang asong naon?"
"Dagang korek gas. Ditawarkeun bari dicekes-cekeskeun. Naha salah kitu? Apanan keur tes, ameh nu meuli percaya yen korek gasna hurung."
"Sakalian we ilaing dagang obor! Tuluy hurungkeun di dinya. Atawa dagang pepetasan tuluy seundeut ku ilaing."

Tukang Martabak

"Naha maneh putus jeung Nyi Marni?"
"Pusing aing mah. Tiap apel ka imahna..... ku calon mitoha kudu we dipangmawakeun martabak . Bobogohan karek 3 bulan, ari modal geus ledis. Komo mun nepi kawin... aya bahan bangkar usaha teh!"
"Untung ilaing teu jadi tukang emas atawa inten ge!"

Tukang Gali Kuburan

"Uing ditanya ku calon mitoha: kumaha profesi anjeun teh bakal mere kepastian keur ka hareupna? Untung dewek teu nyebutkeun naon profesi dewek, ngan dijawab we: pasti pisan, Pa!"

Pawang

Dua pamuda nu karek wawuh keur ngobrol.
"Aya ku genah euy kuring mah tiap bobogohan teh. Pasti we digabrug jeung ditangkeup ku kabogoh, jaba dipuji oge ku kulawargana... hehehe!"
"Naha?"
"Tiap apel, kuring sok mawa oray kukutan. Eta oray ku kuring sok disumputkeun heula. Tah, mun keur duaan di nu rada poek, eta oray dileupaskeun. Pura-pura we kuring mah teu nyaho. Pas oray ngaleor hareupeun.... atuh si yayang langsung ngajerit, tuluy ngagabrug .. ku kuring ditangkeup bari ditenangkeun. Hehehe. Uing pura-pura kaget... pas kulawargana kaluar. Eta oray ku uing ditewak! Atuh maranehna bungah.... langsung pada muji ka kuring! Maranehna teu nyarahoeun yen kuring pawang oray."
"Ah, uing ge arek nurutan trik ilaing ah!"
"Memang di dinya sarua pawang?"
"Nya!"
"Pawang naon?"
"Pawang gajah!"
"Sugan teh pawang buaya!" © Abah Amin

Follow: