Jurus Diwawancara
Eta si Kirdun geus pusing we akibat kasus korupsi nu dilakukeunana. Salain bosen ka persidangan, unggal kaluar ti tempat sidang manehna pasti diriung ku wartawan. Ti sisi... ti gigir... ti tukang... kabeh wartawan ngaronyok manehna.
Nepi ruang tahanan, manehna teu menta dahar sangu.
Isukna, beres persidangan. Manehna ayeuna katingal rada kalem. Teu burung ditungguan.
"Pa, kumaha kasus bapa teh ngalibatkeun sabaraha jalmi?" tanya hiji wartawan bari ngasongkeun mic. Can djawab...
"Naha leres Bapa aya sangkut pautna sareng pejabat Mr. MGH?" tanya wartawan nu lain.
"Kinten-kinten, menurut Bapa... ieu kasus teh bakal manjang?" hiji wartawan meni ampir paadu sungut jeung si Kirdun. Si Kirdun ngabetem.
Atuh... wartawan beuki ngagimbung. Geus kabeh wartawan ngaronyok, na atuh:
"Antosan sakedap...euuu...mmmm...eu...euh.... eu!!!!!!"
Bruuuuuuuuuuuuuut! Si Kirdun hitut jiga ngaluarkeun elmu Semar mendem.
Dadaksakala, kabeh wartawan bubar bari nutupan irung.
Nepi ruang tahanan. Si Kirdun mere tip ka sipir:
"Hatur nuhun Pa! Kulub hui boledna jetu pisan. Isuk mah pesen lah sabaskom deui mah!" © Abah Amin
Nepi ruang tahanan, manehna teu menta dahar sangu.
Isukna, beres persidangan. Manehna ayeuna katingal rada kalem. Teu burung ditungguan.
"Pa, kumaha kasus bapa teh ngalibatkeun sabaraha jalmi?" tanya hiji wartawan bari ngasongkeun mic. Can djawab...
"Naha leres Bapa aya sangkut pautna sareng pejabat Mr. MGH?" tanya wartawan nu lain.
"Kinten-kinten, menurut Bapa... ieu kasus teh bakal manjang?" hiji wartawan meni ampir paadu sungut jeung si Kirdun. Si Kirdun ngabetem.
Atuh... wartawan beuki ngagimbung. Geus kabeh wartawan ngaronyok, na atuh:
"Antosan sakedap...euuu...mmmm...eu...euh.... eu!!!!!!"
Bruuuuuuuuuuuuuut! Si Kirdun hitut jiga ngaluarkeun elmu Semar mendem.
Dadaksakala, kabeh wartawan bubar bari nutupan irung.
Nepi ruang tahanan. Si Kirdun mere tip ka sipir:
"Hatur nuhun Pa! Kulub hui boledna jetu pisan. Isuk mah pesen lah sabaskom deui mah!" © Abah Amin
Follow:
