Tipe-Tipe Anggota Group WhatsApp
Di handap ieu sababaraha tipe anggota group WA. Saderek asup nu mana kira-kira?
1. PENELAAH
Aya di daftar group, tapi teu pernah muncul/komen. Tapi tiap chat group dibacaan.
2. POLITIKUS JADI-JADIAN
Hayoh we ngabahas politik, nagara, jeung pamarentah bari sumberna kadang teu valid. Kadang wani pasea jeung anggota group lain.
3. BUDAK ROHIS
Rajin ngirim tentang tema agama, ngingetan nu lain. Najan aslina teu bisa nyieun konten sorangan, sumberna ti forward atawa copas.
4. SI KABAYAN
Group teh keur ajang ngacapruk jeung hiburan, hoream ngabahas serius teuing.
5. REPORTER
Rajin ngalaporkeun informasi atawa kaayaan sabudeureun. Up to date pisan lah.
6. MOTIVATOR
Sering share kata-kata motivasi, najan bahan tulisan/gambar tina forward atawa copas. Teuing, soranganna ngalaksanakeun atawa henteu.
7. LALAY BADOT
Aktifna ngan peuting, malah ti janari nepi subuh waktu batur sarare.
8. JURIG JARIAN
Muncul ngabales mun ngaranna disebut/di-tag.
9. UCING LEMBUR
Hiperaktif mun chat group WA, tapi aslina cicingeun pisan.
10. PEMBANTU
Kasinggung saeutik, tara komen deui. Mun leuwih kasinggung, langsung left group.
11. DON JUAN
Kabeukina ngiriman gambar-gambar jorang (jorok/p*rno).
12. EDITOR
Resep ngedit foto, pikeun bahan silih kekeak keur hiburan group.
13. SI KULINER
Hayoh we ngiriman foto dahareun, ngajak dahar henteu.
14. GENK GHIBAH
Resep ngagosip bari teu puguh hulu jeung buntut tema nu dibahas.
15. KOLOR IJO
Muncul mun aya perlu wungkul, geus kitu ngaleungit deui lila.
16. HAYAM JAGO
Isuk-isuk rutin nulis "Selamat Pagi, "Wilujeng enjing" ditambahan rangkaian do'a-do'a atawa kata-kata motivasi.
17. TUKANG STICKER
Jarang ngabales make kata-kata, cukup ku sticker jeung gambar nu aya di HP-na.
18. UPIN-IPIN
Daek komen di group lamun aya balad deukeutna komen. Teu jarang jadi chat duaan di group kawas japri, nu lain teu dianggap sabab temana ngan keur duaaneun.
19. MUSIKUS
Resep ngiriman video atawa file lagu-lagu... kadang matak minuhan memory HP.
20. TEU JELAS
Manehna nu mimiti nyieun group, ngasupkeun anggota-anggota. Tapi manehna sorangan tuluy kaluar.
21. KUMAHA AING
Lamun di group keur rame ngabahas 1 tema, ujug-ujug sok ngiriman tulisan, gambar, atawa video nu teu nyambung kana tema group nu dibahas.
22. DON JUAN
Lalaki nu daek komen mun aya anggota awewe nu komen.
23. SI NARSIS
Hayoh we ngiriman foto beungeut sorangan, ameh anggota group nu lain muji. Tapi teu sadar diri, batur cua ge.
24. SOMSE
Foto mobil, imah, naek, kapal udara, liburan, jeung harta banda sorangan lainna diposting di group keur ngabuktikeun eksistensi diri.
25. SI TYPO
Taip nlis chat, aya wae hurif nu salsh... jempolna sagede jahe jigana mah.
Follow:
