Fakta Unik Piala Dunia (1)
Sakeudeung deui Piala Dunia 2014 baris dilimangsungkeun di Brasil. Event olahraga sajagat ieu mangrupakan Piala Dunia nu ka-20. Euforia maen bal sadunya ieu dianti-anti ku para penggemar, kaasup di nagara urang. Najan maenna janari ge, nya kajeun teuing kudu bagadang meureun. Ilaharna, mun geus usum Piala Dunia mah, pola hirup ge jadi robah. Aya nu sare heula leuwih awal tuluy hudang janari. Nya eta tea bebelaan keur hobi jeung pangaresep mah kumaha, kajeun panon ceuleuyeur di tempat pagawean. Komo deui ayeuna nyanghareupan pilpres, tibatan lieur lalajo nu black campaign, mending keneh lalajo Piala Dunia.
Tah, pikeun ngareuah-reuah event akbar ieu, nu resep kana Banyolan Sunda mah mending neangan informasi ngeunaan hal unik sabudeureun Piala Dunia. Naon wae tah? Di handap ieu sababaraha fakta unik jeung aneh sabudeureun Piala Dunia alias World Cup nu dicutat ti sababaraha sumber.
1. Partai pertandingan antara Rumania vs Peru di Piala Dunia 1930 ngan ditonton ku 300 suporter di stadion. Asa kawas tarkam wae ningan. Jauh pisan jeung rekor 174.000 penonton antara Brazil vs Uruguay di Piala Dunia 1950.
2. Piala Dunia munggaran (Uruguay 1930) ngan ngagunakeun 3 stadion di satu kota (Montevideo). Sedangkeun Piala Dunia nu ngagunakeun stadion paling loba nyaeta Spanyol 1982, nyaeta 17 stadion di 14 kota. Barcelona, Madrid, jeung Sevilla masing-masing nyadiakeun 2 stadion.
3. Tanggal 31 Juli mangrupakeun hari libur nasiona di Uruguay. Naha? Sabab dina tanggal eta, Uruguay jadi juara Piala Dunia (1930).
4. Nagara Asia nu mimiti miluan Piala Dunia adalah Hindia Belanda (1938). Hanjalakal harita can aya ngaran Indonesia. Jadi, nya Indonesia mah bisa kasebut can pernah miluan Piala Dunia. Sedangkeun nagara Afrika nu mimiti lolos Piala Dunia nyaeta Mesir (1934).
5. Piala Dunia 1954 mangrupakeun pertandingan-pertandingan nu paling produktif. Waktu harita bisa dihasilkeun 140 gol dina 26 pertandingan. Lamun ngagunakeun rumus Matematika, rata-rata 5,38 gol per pertandingan. Rekor gol paling gede waktu Austria ngelehkeun Swiss 7-5. Dina pertandingan ieu, skor babak kahiji wae geus 5-4 nu artina rata-rata gol kacipta unggal 5 menit!
6. Masih di Piala Dunia 1954, Hungaria nyepeng rekor nagara paling produktif kalayan 27 gol. Leuwih lob 2 gol tibatan sang juara Jerman Barat.
7. Uruguay nyepeng rekor teu kaelehkeun di putaran final Piala Dunia, ti 1930 nepi 1954. Uruguay jadi juara taun 1930 jeung 1950, sarta kungsi nolak miluan dina 2 turnamen nu diayakeunn di Eropa (1934 jeung 1938).
8. Baheula mah euweuh sepakbola negatif. Sahenteuna catetan sajarah mere bukti yen skor 0-0 karek mimiti kajadian dina Piala Dunia 1958 (Brazil v Inggris). Pertandingan lainna mah pasti we aya gol nu kacipta.
9. Pamaen Uruguay (Jose Batista). Nerima kartu merah di menit ka-1 waktu Piala Dunia 1986, harita Uruguay lawan Skotlandia.
10. Oceania mangrupakeun region nu kacatet kaasup nu prestasina paling tinggaleun. Oceania region nu paling pendeuri ngirim wakil ka Piala Dunia (Australia, 1974). Salain ti eta , wakil Oceania ngan sakalai lolos tina fase grup (Australia, 2006), iwal Selandia Baru.
11. Striker Turki, Hakan Sukur, boga 2 rekor hebat. Kahiji, kaasup pamaen paling kolot nu kungsi maen di Piala Dunia (umurna 40 tahun, 2002) jeung pencetak gol tercepat di Piala Dunia (detik ke-11, harita lawan Korea Selatan, 2002).
12. Pamaen penganti nu paling gancang ngasupkeun gol nyaeta Ebbe Sand (Denmark). Manehna bisa nyiptakeun gol ngan 16 detik saenggeus asup ka lapangan (harita lawan Nigeria, 1998).
13. Belgia boga rekor unik di Piala Dunia, nyaeta rekor hasil seri dina 5 pertandingan.
Follow:
