Banyol Bandung
#
"Sabaraha pangaos HP nu itu?
"Oh eta, sameterna dua puluh rebu!"
(Tukang counter HP di BEC, nu asalna tukang kaen di Cigondewah)
#
"Pa, eta FO teh teu tiasa dialihkeun wae? Matak ngamacetkeun pisan. Ieu abdi nyandak es balok dugi ka ampir seep kieu, mencair!"
(Saptu sore, bapa-bapa nu mawa es balok kana motorna. Nanya ka pulisi nu keur ngatur lalu lintas di deukeut FO, pengkolan Jln. Cipaganti nu nyambung ka Jln. Setiabudi.)
#
"Percumah uing mawa Ferrari ge!"
(Ceuk jelema beunghar nu mawa Ferrari ka Jalan Kopo Sayati nu katelah ampir unggal jam macet, jalan keur meujeuhna baralik gawe jeung hujan ngagebret!)
#
"Engke sore urang ka Mars, nya?"
"Enya! Tapi urang rek ka Saturnus heula. Ngalongok mitoha."
"Mun bisa, sampeur heula si Asep ka Merkurius!"
"Ok!"
(Paguneman urang Margahayu Raya)
#
"Kumaha imah maneh cenah kabanjiran!"
"Enya, ah... ngan semet mumuncangan da caina ge!"
"Wah? Biasana sok nepi kanan suhunan."
"Enya ngan nepi kana mumuncangan... ngan uingna di loteng!"
(Ceuk urang Cieunteung nu geus bosen kabanjiran walungan Citarum.)
#
"Asyiiiiiiiiiiik!! Uing bisa ngojay deui euy di tengah jalan."
(Ceuk barudak langsung tinggujubar ka cileuncang di tengah jalan, keur hujan badag.)
#
"Cicahem...Cicahem!"
(Ceuk supir Angkot 05 di parapatan Leuwipanjang-Cibaduyut)
#
"Koplok! Sugan teh heueuh geus pinuh. Hanas aing asup kana jero angkot. Aing geus diuk di jero... eh, eta mah kabeh penumpang kalahkah kalaluar. Geuning maranehna teh calo nu saengko jeung supir. Cik atuh, mancing penumpang teh tong matak aing jadi darah tinggi, euy!"
(Ceuk saurang pamuda basa turun ti Angkot 05 di stopan Cibaduyut-Leuwipanjang.)
#
"Ka Surabi Imut yu ah!"
"Panan malem Minggu kamari geus meuli!"
"Eh, can puas euy. Resep ningali nu malencrang! Urang nongkrong we atuh."
(Ceuk pamuda jomblo nu ngarepkeun meunang kabogoh urang Jakarta.)
#
"Duuuuuh Gusti! Keur tengah poe kieu... matak lapar!"
(Ceuk pamuda di bulan Puasa, ngangseu sengit cokelat nu ngahiliwir ti pabrik Ceres, Dayeuh Kolot)
#
"Wasiiit goblog! Teu neuleu siah eta si Eka direngkas? Kartu atuh euy!"
"Tong digoblog-goblog atuh wasit teh euy!"
"Naha, maneh ngadukung tim lawan? Nu baleg we!!"
"Lain euy, eta wasit: mitoha uing!"
(Nu keur lalajo Persib. Di Tribun Timur.)
#
"Geus we atuh Ceu, turun Rp. 35.000,-. Geus teu kuat yeuh!"
"Waduh, teu tiasa Kang!! Ti dituna ge tos awis. Teu tiasa sakitu mah. Abdi mung nyandak bati sakedik!"
"Heueuh, da dagang tempe!"
(Di Tegallega, deukeut tenda gongli. Tukang beca keur nawar PSK.)
#
"Nah, sekarang kita sudah sampai di lokasi yang dinamakan Kawah Putih!"
"Mmmh... sae pisan nya? Saha sih nu ngawurkeun apu eta kana caina? Kuat kabodas kitu!"
(Guide keur mawa wisatawan ka Ciwidey.)
#
Aya pamuda keur meujeuhna kumincir. Manehna nongkrong di handapeun jambatan Pasupati, lebah stopan nu aya tulisan badag: DAGO. Manehna gegereyeman, jiga keur mapatkeun jampe. Teu lila aya lima wanoja geulis nyampeurkeun.
"Mmmh... aing tea atuh. Karek ngagaya sakieu ge geus matak narik wanoja. Jetu pisan jampe pelet ti Mang Endin teh!" gerentesna.
"Kang.... maaf! Eu...eu...euh...."
"Ohh... gak apa-apa, aku inih orang baik-baik kok!"
"Euh... maaf tolong bisa bantuin fotoin kami? Tolong ya. Background-nya yang jelas keliatan DAGO-nya!" ceuk salah saurang wanoja bari mikeun tustel.
#
"Euh, uing mah teu diajakan ka Kebon Binatang. Aya naon wae di ditu teh?"
"Kalunya maneh mah teu diajakan.... weeeeeeee! Lame pisan di ditu teh loba sato. Uing mah... uing mah... euh, ningali munding tulalean! Gedeeeeeeee pisan.... ilungna ge panjang. Ceulina lubak!!"
(Dua budak keur ngobrol, salah saurang karek ulin ka Kebon Binatang Jln. Tamansari.)
#
"Ku naon panyawat Bapa teh?"
"Ieu kolesterol, jantung, sareng obesitas. Seueur teuing tuang nu enak-enak. Teu kakontrol! Pami Bapa panyawat naon?"
"Kakirangan gizi! Matakna awak ieu begung kieu. Manawi tuda, neda ge Senen-Kemis. Koreh-koreh cok."
(Di hiji rohangan di Rumah Sakit Hasan Sadikin.)
#
"Mamaaah! Hoyong naek sosorodotan!"
"Ih, Papah... tong ngerakeun ah!"
(Di Taman Lalu Lintas.)
#
"Cik atuh euy. Trotoar mah khusus keur pejalan kaki!"
"Ih ari Bapa, panan abdi ge sami gaduh kaki.... kaki lima!
(Di Alun-alun, deukeut Palaguna Nusantara, Tibum keur nyarekan tukang dagang.)
#
"Mang meser kuya!"
"Bade kuya naon, Cep? Kuya brazil, kuya kalimantan, kuya batok... atanapi..."
"Kuya Uya, aya?"
"Leuh, si Encep mah seueur teuing lalajo tayangan hipnotis!"
(Di tukang lauk Jln. Lingkar Selatan, deukeut ka arah Jln. Muara)
© Abah Amin
"Sabaraha pangaos HP nu itu?
"Oh eta, sameterna dua puluh rebu!"
(Tukang counter HP di BEC, nu asalna tukang kaen di Cigondewah)
#
"Pa, eta FO teh teu tiasa dialihkeun wae? Matak ngamacetkeun pisan. Ieu abdi nyandak es balok dugi ka ampir seep kieu, mencair!"
(Saptu sore, bapa-bapa nu mawa es balok kana motorna. Nanya ka pulisi nu keur ngatur lalu lintas di deukeut FO, pengkolan Jln. Cipaganti nu nyambung ka Jln. Setiabudi.)
#
"Percumah uing mawa Ferrari ge!"
(Ceuk jelema beunghar nu mawa Ferrari ka Jalan Kopo Sayati nu katelah ampir unggal jam macet, jalan keur meujeuhna baralik gawe jeung hujan ngagebret!)
#
"Engke sore urang ka Mars, nya?"
"Enya! Tapi urang rek ka Saturnus heula. Ngalongok mitoha."
"Mun bisa, sampeur heula si Asep ka Merkurius!"
"Ok!"
(Paguneman urang Margahayu Raya)
#
"Kumaha imah maneh cenah kabanjiran!"
"Enya, ah... ngan semet mumuncangan da caina ge!"
"Wah? Biasana sok nepi kanan suhunan."
"Enya ngan nepi kana mumuncangan... ngan uingna di loteng!"
(Ceuk urang Cieunteung nu geus bosen kabanjiran walungan Citarum.)
#
"Asyiiiiiiiiiiik!! Uing bisa ngojay deui euy di tengah jalan."
(Ceuk barudak langsung tinggujubar ka cileuncang di tengah jalan, keur hujan badag.)
#
"Cicahem...Cicahem!"
(Ceuk supir Angkot 05 di parapatan Leuwipanjang-Cibaduyut)
#
"Koplok! Sugan teh heueuh geus pinuh. Hanas aing asup kana jero angkot. Aing geus diuk di jero... eh, eta mah kabeh penumpang kalahkah kalaluar. Geuning maranehna teh calo nu saengko jeung supir. Cik atuh, mancing penumpang teh tong matak aing jadi darah tinggi, euy!"
(Ceuk saurang pamuda basa turun ti Angkot 05 di stopan Cibaduyut-Leuwipanjang.)
#
"Ka Surabi Imut yu ah!"
"Panan malem Minggu kamari geus meuli!"
"Eh, can puas euy. Resep ningali nu malencrang! Urang nongkrong we atuh."
(Ceuk pamuda jomblo nu ngarepkeun meunang kabogoh urang Jakarta.)
#
"Duuuuuh Gusti! Keur tengah poe kieu... matak lapar!"
(Ceuk pamuda di bulan Puasa, ngangseu sengit cokelat nu ngahiliwir ti pabrik Ceres, Dayeuh Kolot)
#
"Wasiiit goblog! Teu neuleu siah eta si Eka direngkas? Kartu atuh euy!"
"Tong digoblog-goblog atuh wasit teh euy!"
"Naha, maneh ngadukung tim lawan? Nu baleg we!!"
"Lain euy, eta wasit: mitoha uing!"
(Nu keur lalajo Persib. Di Tribun Timur.)
#
"Geus we atuh Ceu, turun Rp. 35.000,-. Geus teu kuat yeuh!"
"Waduh, teu tiasa Kang!! Ti dituna ge tos awis. Teu tiasa sakitu mah. Abdi mung nyandak bati sakedik!"
"Heueuh, da dagang tempe!"
(Di Tegallega, deukeut tenda gongli. Tukang beca keur nawar PSK.)
#
"Nah, sekarang kita sudah sampai di lokasi yang dinamakan Kawah Putih!"
"Mmmh... sae pisan nya? Saha sih nu ngawurkeun apu eta kana caina? Kuat kabodas kitu!"
(Guide keur mawa wisatawan ka Ciwidey.)
#
Aya pamuda keur meujeuhna kumincir. Manehna nongkrong di handapeun jambatan Pasupati, lebah stopan nu aya tulisan badag: DAGO. Manehna gegereyeman, jiga keur mapatkeun jampe. Teu lila aya lima wanoja geulis nyampeurkeun.
"Mmmh... aing tea atuh. Karek ngagaya sakieu ge geus matak narik wanoja. Jetu pisan jampe pelet ti Mang Endin teh!" gerentesna.
"Kang.... maaf! Eu...eu...euh...."
"Ohh... gak apa-apa, aku inih orang baik-baik kok!"
"Euh... maaf tolong bisa bantuin fotoin kami? Tolong ya. Background-nya yang jelas keliatan DAGO-nya!" ceuk salah saurang wanoja bari mikeun tustel.
#
"Euh, uing mah teu diajakan ka Kebon Binatang. Aya naon wae di ditu teh?"
"Kalunya maneh mah teu diajakan.... weeeeeeee! Lame pisan di ditu teh loba sato. Uing mah... uing mah... euh, ningali munding tulalean! Gedeeeeeeee pisan.... ilungna ge panjang. Ceulina lubak!!"
(Dua budak keur ngobrol, salah saurang karek ulin ka Kebon Binatang Jln. Tamansari.)
#
"Ku naon panyawat Bapa teh?"
"Ieu kolesterol, jantung, sareng obesitas. Seueur teuing tuang nu enak-enak. Teu kakontrol! Pami Bapa panyawat naon?"
"Kakirangan gizi! Matakna awak ieu begung kieu. Manawi tuda, neda ge Senen-Kemis. Koreh-koreh cok."
(Di hiji rohangan di Rumah Sakit Hasan Sadikin.)
#
"Mamaaah! Hoyong naek sosorodotan!"
"Ih, Papah... tong ngerakeun ah!"
(Di Taman Lalu Lintas.)
#
"Cik atuh euy. Trotoar mah khusus keur pejalan kaki!"
"Ih ari Bapa, panan abdi ge sami gaduh kaki.... kaki lima!
(Di Alun-alun, deukeut Palaguna Nusantara, Tibum keur nyarekan tukang dagang.)
#
"Mang meser kuya!"
"Bade kuya naon, Cep? Kuya brazil, kuya kalimantan, kuya batok... atanapi..."
"Kuya Uya, aya?"
"Leuh, si Encep mah seueur teuing lalajo tayangan hipnotis!"
(Di tukang lauk Jln. Lingkar Selatan, deukeut ka arah Jln. Muara)
© Abah Amin
Follow:
