Lirik Lagu "Tibelat" - Nining Meida ft. Adang Cengos
Ukur sarérét teuteup saliwat
Tapi duriat tumapel maskét
Matih lir peurah diri sumerah
Kumambang asih
Néang pangeunteupan deudeuh
Diri ngambang kabandang kajamparing ku manéhna
Diri nguyung kapentang ngalanglayung ku manéhna
Kamana atuh kamana
Néang manéhna
Metik atina
Sarérét jeung saliwat
Mawa tibelat
Sesah hilapna
Rérét manéhna
Teuteup manéhna
Seukeut pamorna
Ngahudang cinta
**
Gandrung tibelat
Liwung kabandang
Haté micangcang
Beurang jeung peuting
Raray kagambar
Haté gumeter
Hayang patepung
Sugan asih bisa nyanding
Diri ngambang kabandang kajamparing ku manéhna
Diri nguyung kapentang ngalanglayung ku manéhna
Kamana atuh kamana
Néang manehna
Metik atina
Sarérét jeung saliwat
Mawa tibelat
Sesah hilapna
Jamparing asih
Nembus kadeudeuh
Daya asmara
Kembangna cinta
Follow:
