Ceramah Basa Sunda KH Drs. Jujun Junaedi
KH Jujun Junaedi, salah saurang da'i asal Garut nu kasohor di Tatar Sunda. Anjeunna ngawitan ceramah ti yuswa 4 taun (taun '70-an). Harita anjeunna katelah da'i cilik. Gaya ceramahna nu ngagaduhan ciri khas basa panganteurna basa Sunda oge gaya banyolan-banyolan Sundana nu matak teu pikaboseneun. Ditambih deui anjeunna pami ceramah sok diselingan ku ngahaleuang. Anjeunna oge kadang sok ngeusi acara ceramah di televisi swasta nasional.
Jujun Junaedi lahir di Desa Sirnagalih, Kacamatan Sukawening, Garut, 1 Juni 1971. Ti alit keneh, bakat ceramahna tos katingali. Anjeunna katelah mubaligh cilik ti Kota Garut. Taun 1977, Jujun lebet sakola di Sekolah Dasar Sindang Galih. Pendidikan formal Jujun teu leupas ti atikan pasantren. Henteu kirang ti lima pasantren di Garut, Jujun kantos ngobong, diantarana: Pondok Pesantren Tarbiyatul Atthfal, Pondok Pesantren Al-Huda, Pondok Pesantren Jam’iyah, Pondok Pesantren al-Qurthubiyah, sareng Pondok Pesantren Kudang Limbangan.
Beres sakola SD, taun 1983, Jujun neraskeun sakola di Madrasah Tsanawiyah (MTs) Ma’arif. Taun 1986, Jujun lebet ka Madrasah Aliyah Negeri Garut, nyandak Jurusan Agama (A-1). Taun 1989, Jujun kuliah ka Bandung, nyaeta kuliah di kampus IAIN (Institut Agama Islam Negeri) Sunan Gunung Djati nu ayeuna robih janten Universitas Islam Negeri (UIN) Sunan Gunung Djati, Bandung. Di kampus nu aya di Cipadung ieu, anjeunna nyandak Jurusan Dakwah Fakultas Ushuluddin.
Koleksi ceramah Ustadz Drs. Jujun Junaedi: KLIK DI DIEU
Di dieu oge, sasarengan sareng Asep Mustapa Kamal (dosen fakultas Syari’ah UIN Sunan Gunung Djati, Bandung) anjeunna nggadegkeun UPTQ (Unit Pengembangan Tilawatil Quran). KH Jujun Junaedi dumuk di Kompleks Bumi Panyawangan Jln. Ebony Asri No. A-6 Cileunyi, Bandung.
Kontak KH Dr. Jujun Junaedi:
GARUT
Pondok Pesantren Al Jauhari
Jln. Sangojar, Sindanggalih. Karang Tengah,
Sukawening, Garut
Tlp.{0262}2449100
BANDUNG
Jln.Taman Sari Blok A No.6
Cileunyi Bandung,
Tlp.{022}7814669
Sekretaris: 0817 233 9884
Driver: 0818 0211 1743
Fan page Facebook: KLIK DI DIEU
Follow:
