Kecap Panuduh Bilangan

Kecap panuduh/sesebutan bilangan dipake pikeun nangtukeun hiji barang, jelema, atawa hal. Kecap panuduh bilangan di antarana:

1. Jelema = urang

Conto: Nu keur ngojay di balong teh aya lima urang.

2. Sawah = kotak

Conto: Sawah nu kamari dijual teh sapuluh kotak.

3. Uyah = huntu, gandu, bata

Conto: Nyi Iroh meuli uyah sagandu ka warung Mang Epul.

4. Muncang = dampa

Conto: Meuli muncang teh sadampa we, tong loba-loba teuing bisi teu kapake.

5. Kalapa = hulu, manggar

Conto: 

- Kalapa sahulu ditukeuran jeung gula dua gandu. 

- Kalapa teh samanggarna aya lima hulu.

6. Peuteuy = papan, hanggor, ranggeuy, panon

Conto: 

- Nikmat pisan dahar teh, peuteuy beak sapapan ge teu karasa. 

- Kamari kuring meuli peuteuy saranggeuy

Larapan kecap panuduh/sesebutan bilangan lainna:

- Injuk = kakab

- Jahe = rempang

- Sapatu = rampasan

- Papan = lambar

- Munding = rakit

- Samak = heulay

- Sangu = piring, boboko, bakul

- Tambang = batekan, meter

- Gula = gandu, bonjor

- Koneng = solor

- Nangka = camplung

- Kertas = lambar

- bilik = gebing

- bako = lempeng

- Boeh = rirang

- Cau = sikat, turuy

- Daun = ponggol, kompet

- Eurih = jalon

- Awi = leunjeur, dapur

- Bawang = sihung

Follow: