Panyakit HP Warga Rancabanyol

Komandan Hansip: Batre HP-na sok langsung pareum mun aya nu bersin.
Camat Rancabanyol: Sinyal sok langsung leungit mun dideukeutkeun kana kumis.
Nyimas: Layar HP mun ditingali ti jarak 4 meter sok jelas, mun ti kadeukeutan sok burem.
Ney Ah: Pulsa sok ngadadak ngurangan mun aya nu heuay.
Ciez Anq: Keypadna sok teu bisa dipencet mun dipencet ku ramo leungeun. Kudu ku ramo suku.
Unie Bugishavari: Mun masang foto di BBM... kontak BBM langsung leungit kabeh.
Humas: Mun deukeut pamajikan... ringtone HP sok ngadadak bijil sora hitut.
Harry Rianto: Sinyal HP bisa aya mun HP diseupan na seeng make aseupan.
Nyi Iroh: Bisa SMS-an mun HP dibeungkeut ku karet geulang warna kayas.
Ceef Ones: Mun dicas di imah mitoha... ngecasna aya nepi 7 jam. Mun di imah sorangan cukup satengah jam ge.
Ki Ubbay: HP bisa dipake nelepon mun Ki Ubbayna bari sikap kayang.
Odah: Mun dicarekan "Ajig obog siah HP teh!" HP karek bisa ngirim SMS.
Ang Desta: Mun tungtung HP dicoelkeun kana sambel tarasi... pulsa ngadadak sok nambahan 50.000.
Mang Ndien: MP3 playerna ngan bisa nyetel adzan.
Irfan Arifuddin: Androidna ngan bisa dipake mun layarna ditoel ku cukang irung.
Roens Prawira: Mun dipake moto sorangan (gaya alay) gambar hasilna sok kabakar.
Susie van Dijk: Keypad kudu diulas minyak keletik... karek bisa dipencet.
Deni Ismail: narima telepon teu bisa, nelepon oge teu bisa. Ngan bisa dipelong. Eta ge layarna hurung tiap jam 12 peuting nepi jam 1.
Yeyet Mulya: HP bisa hurung mun batrena dipoe gheula na luhur kenteng.
Amih Ade: Mun ngirim SMS, nulisna kudu make Rugos.

Follow: