Nyiksa Mitoha
Ngaranna timburu mah kadang sok kapoekan. Jiga Mang Emplud hiji waktu ngadenge gosip Nyi Ikem, cenah keur aya affair ka lalaki sejen. Waktu manehna balik ngiangkeun kalapa ka dayeuh, tengah peuting manehna lalaunan muka panto imah.... manehna reuwas! Dina korsi sofa aya dua mahluk keur sasimbut bareng. Ngan sukuna wungkul katingali teh, 2 dampal suku di luhur...2 dampal suku di handap. Mang Emplud ngaheab, manehna ngagerentes:
"Jurig!!! Kieu nya kalakuan ditinggalkeun ku salaki teh? Rucah jeung jalu sejen!!"
Teu antaparah deui, manehna jiga nyiksa ucing dina karung! Habek...Habek...make gagang sapu, ngababukan nu pakupis na jero simbut kandel! Asa kurang puas, manehna ka kamer rek mawa bedog nu diteundeun handapeun ranjang. Pas muka panto kamer, kasampak pamajikanna karek lilir:
"Eh, Akang... tos uih geuning? Abah sareng Ema tadi sonten nembe sumping. Hoyong karulem dina sofa anyar saurna!" ceuk Nyi Ikem bari gigisik.
© Abah Amin
Teu antaparah deui, manehna jiga nyiksa ucing dina karung! Habek...Habek...make gagang sapu, ngababukan nu pakupis na jero simbut kandel! Asa kurang puas, manehna ka kamer rek mawa bedog nu diteundeun handapeun ranjang. Pas muka panto kamer, kasampak pamajikanna karek lilir:
"Eh, Akang... tos uih geuning? Abah sareng Ema tadi sonten nembe sumping. Hoyong karulem dina sofa anyar saurna!" ceuk Nyi Ikem bari gigisik.
© Abah Amin
Follow:
