Pinal Piala AFF 2010
Warga Rancabanyol milu bungah, Timnas Indonesia asup oge ka Pinal Piala AFF 2010. Rencanana mah maranehna cenah hayang lalajo langsung pertandingan Pinal engke.
"Tah, kan lawanna Malaysia. Engke ulah make baju beureum nu aya lambang Garuda di dada. Ganti ayeuna mah make batik kabeh!" ceuk Lurah Iwan bari nyuruput jus patrawali.
"Atuh, keur ngabobotohan Gonzales... sakalian we tong make torompet, tapi mawa angklung!"
Kuring mah geus teu kuat hayang ningali Gonzales duet jeung Sutiono!" ceuk Camat Wira jiga nu heueuh ngarti kana mengbal. Padahal paling hoream ningali pertandingan mengbal teh. Balas wae asa aing petinggi Rancabanyol. Jadi milu mairan we ngomong ge... ameh katingal merakyat.
"Satuju! Sakalian abdi bade mawa grup kasenian Reog Ponorogo!" ceuk Jang Pitman bari ngalamotan curukna.
"Abdi mah... bari lalajo bade sakalian Jaipongan!" ceuk Neng Enci bari tuluy aclog-aclogan.
"Mun bisa, tribun Timur mah kabeh eusian ku TKW nu lalajona! TKW nu tapak disiksa di nagri si Upin. Eta kabeh TKW nu lalajo, tong gogorowokan... sina kompak ceurik balilihan. Urang teror mental lah..!!" ceuk Sekdes Sona semu ambek, inget baheula manehna kungsi jadi TKI gawe di Menara Petronas jadi tukang ngaberesihan bak mandi. Tuluy manehna balik deui ka lemburna, da mindeng disiksa dibabuk botol kecap, ku kabogohna urang Nagri Jiran.
"Rek sakalian dendam kumeh nu di urang sagala diaku ku Malaysia ieu teh?" tanya Mang Endin bari nuluykeun maen kaleci jeung Kang Erun.
"Nya, iraha deui atuh, Mang? Sakalian urang lelewe ameh eleh!" ceuk Kang Dodi nu ngadadak turun tina luhur tangkal jambe.
"Tapi, saha nu meuli karcisna? Engke ka dituna kana mobil saha? Panan di dieu mah mobil teh ngaliwatna saminggu sakali. Eta ge treuk Mang Epul nu ngiangkeun sampeu ka dayeuh." ceuk Kang Uhe nu keur nyiksikan cangkang kadu.
"Karcis mah... euh, meuli wae engke ka calo di ditu pas saacan prung pertandingan! Ari ka dituna mah... euh... euh... urang numpak delman Mang Anda we!" ceuk Lurah Iwan bangun PD pisan.
Kabeh warga ngan ngahuleng. Alamat bakal lalajo bareng deui, neuteup TV nu Ibu Ade. Jabaning TV Ibu Ade ngan hiji-hijina nu aya di Rancabanyol. Palias deuih, panan kamari eta TV cap Sharap teh ruksak. Da eta Nyi Iroh tuda... balas ku atuh basa Gonzales ngasupkeun ka gawang Pilipina dina semipinal leg kadua, manehna ajrag-ajragan jeung gugulingan bari tuluy najong TV! © Abah Amin
"Atuh, keur ngabobotohan Gonzales... sakalian we tong make torompet, tapi mawa angklung!"
Kuring mah geus teu kuat hayang ningali Gonzales duet jeung Sutiono!" ceuk Camat Wira jiga nu heueuh ngarti kana mengbal. Padahal paling hoream ningali pertandingan mengbal teh. Balas wae asa aing petinggi Rancabanyol. Jadi milu mairan we ngomong ge... ameh katingal merakyat.
"Satuju! Sakalian abdi bade mawa grup kasenian Reog Ponorogo!" ceuk Jang Pitman bari ngalamotan curukna.
"Abdi mah... bari lalajo bade sakalian Jaipongan!" ceuk Neng Enci bari tuluy aclog-aclogan.
"Mun bisa, tribun Timur mah kabeh eusian ku TKW nu lalajona! TKW nu tapak disiksa di nagri si Upin. Eta kabeh TKW nu lalajo, tong gogorowokan... sina kompak ceurik balilihan. Urang teror mental lah..!!" ceuk Sekdes Sona semu ambek, inget baheula manehna kungsi jadi TKI gawe di Menara Petronas jadi tukang ngaberesihan bak mandi. Tuluy manehna balik deui ka lemburna, da mindeng disiksa dibabuk botol kecap, ku kabogohna urang Nagri Jiran.
"Rek sakalian dendam kumeh nu di urang sagala diaku ku Malaysia ieu teh?" tanya Mang Endin bari nuluykeun maen kaleci jeung Kang Erun.
"Nya, iraha deui atuh, Mang? Sakalian urang lelewe ameh eleh!" ceuk Kang Dodi nu ngadadak turun tina luhur tangkal jambe.
"Tapi, saha nu meuli karcisna? Engke ka dituna kana mobil saha? Panan di dieu mah mobil teh ngaliwatna saminggu sakali. Eta ge treuk Mang Epul nu ngiangkeun sampeu ka dayeuh." ceuk Kang Uhe nu keur nyiksikan cangkang kadu.
"Karcis mah... euh, meuli wae engke ka calo di ditu pas saacan prung pertandingan! Ari ka dituna mah... euh... euh... urang numpak delman Mang Anda we!" ceuk Lurah Iwan bangun PD pisan.
Kabeh warga ngan ngahuleng. Alamat bakal lalajo bareng deui, neuteup TV nu Ibu Ade. Jabaning TV Ibu Ade ngan hiji-hijina nu aya di Rancabanyol. Palias deuih, panan kamari eta TV cap Sharap teh ruksak. Da eta Nyi Iroh tuda... balas ku atuh basa Gonzales ngasupkeun ka gawang Pilipina dina semipinal leg kadua, manehna ajrag-ajragan jeung gugulingan bari tuluy najong TV! © Abah Amin
Follow:
