Tibalik
"Jaman baheula mah, dipenjara heula.. karek jadi pejabat nagara. Ayeuna mah tibalik: jadi pejabat heula, tuluy dipenjara."
"Enya oge, Mang. Jiga Soekarno nu ngalaman pangberokan sababaraha taun di unggal tempat. Geus kitu, karek manehna jadi pejabat nagara. Matakna hese neangan negarawan nu jujur jeung bener-bener ngabela rahayat teh. Aya oge conto nu tibalik. Ari bangsat hayam disiksa baloboran getih nepi ka dipenjarana. Tuh tingali koruptor mah.... panan hunang-hening we kajeun ngahakan duit milyaran ge!"
"Ah, nu kitu mah geus teu aneh, Jang. Da eta kondisi bangsa urang mah geus ngakar masalah kitu mah. Lieur ari ngomongkeun masalah korupsi mah. Dunya teh geus teu masagi alias teu merenah. Loba nu teu luyu jeung nu samestina. Baheula mah tujuan pamingpin teh bener-bener keur nusa jeung bangsa. Sok wae, kumaha jadina mun jaman baheula mun aya carita Muhammad Hatta ditewak KPK sabab nilep duit koperasi, Ir. Juanda ditewak alatan pembalakan liar, jsb. Euweuh caritana, Jang. Naha teu ngaca kana sajarah kitu? "
"Jeung deuih asa ku sangeunahna ayeuna mah, asa aing bebas. Wibawa nu ngajaga kaamanan ge asa dipapaharekeun. Contona, pos pulisi aya nu diduruk jeung diancurkeun. Kumaha urang bisa nyalindung lamun tempat nyalindungna wae geus dikitu-kitu? Aya nu salah kitu dina Reformasi teh?""Ah, nu kitu mah geus teu aneh, Jang. Da eta kondisi bangsa urang mah geus ngakar masalah kitu mah. Lieur ari ngomongkeun masalah korupsi mah. Dunya teh geus teu masagi alias teu merenah. Loba nu teu luyu jeung nu samestina. Baheula mah tujuan pamingpin teh bener-bener keur nusa jeung bangsa. Sok wae, kumaha jadina mun jaman baheula mun aya carita Muhammad Hatta ditewak KPK sabab nilep duit koperasi, Ir. Juanda ditewak alatan pembalakan liar, jsb. Euweuh caritana, Jang. Naha teu ngaca kana sajarah kitu? "
"Aya keneh kitu jiad keur Reformasi teh? Da rarasaan eta tibalik oge. Jaman baheula Reformasi di nagara deungeun mah kajadian kusabab kabeh geus teu stabil. Ekonomi ancur, sosialna komo, politikna puguh paburantak... makana maranehna ngayakeun Reformasi. Ari di nagara urang mah jug Reformasi we. Ari geus kitu? Karek karasa pabaliut dina sagalana! Lamun dina istilah barudak ayeuna mah, can beunang chemistry-na pikeun neuleuman harti parobahan nu sabenerna."
"Ih, puguhan asa beuki araheng ieu kaayaan teh. Atawa rarasaan uing wungkul kitu? Da enya pisan, cenah loba pamingpin ngomong yen jabatan maranehna teh amanat. Tapi rarasaan euweuh ni'matna nya ka urang?"
"Matakna, asa tibalik deui yeuh: jadi pejabat mah ni'mat.. jadi rahayat amanat?"
"Enya, ieu teh jadi saha ngawulaan saha, nya?"
"Siga nu korupsi, mun rek perpanjang waktu sidang teh sok ngaku-ngaku gering. Ku alesan gering eta, manehna bisa bebas malah mah. Na, ari rahayat leutik... gering nyaan oge asa euweuh nu malire! Sok araraneh."
"Ngomong-ngomong masalah tibaralik. Ari eta sendal nu dipake geuning sisirangan?"
"Euh, paingan atuh asa teu ngeunaheun!"
"Tuh, make sendal tibalik ge geus teu ngeunaheun. Komo mun nu tibalik teh: kaayaan!" © Abah Amin
Follow:
