Pemain Film Asing

Industri film Indonesia keur bergairah... rek teu bergairah kumaha lamun ayeuna usum pemain luar nu milu ngaramekeun film Indonesia. Komo beuki bergairah deui da nu maenna ge geuning Maria Ozawa alias Miyabi. Sarua ramena jeung mie instan, Miyabi ge geuning jadi kontroversi basa jadi bintang tamu di film Indonesia rek ditayangkeun. Malah didemo sagala.

Lain dina maenbal wae aya pemain asing teh. Baheula ge pernah katelah pemain film laga awewe, Cynthia Rothrock nu maen dina film laga Pertempuran Segitiga. Harita filmna booming. Tah, jigana film nu make artis luar teh jaman ayeuna ge rek diturutan. Ngan hanjakalna filmna nu leuwih identik kana persepsi sahwat. Judulna ge panan Menculik Miyabi. Ampir rea jelema apal saha ari Maria Ozawa teh. Nu pasti mah manehna lain tukang dagang lotek di Jepang!

Kadieunakeun aya ngaran Tera Patrick nu milu maen film di Indonesia nu judulna Rintihan Kuntilanak Perawan. Saha cenah Tera Patrick teh? Ceuk sumber nu teu bisa dipercaya mah, manehna teh tukang cuhcur di Amerika. Jigana film Rintihan Kuntilanak Perawan teh bakal siap-siap ngaleled film Indonesia lainna nu geus tayang di bioskop, saperti: Darah Janda Kalongwewe nu diperankeun ku Trio Macan, Pocong VS Kuntilanak, Hantu Jamu Gendong nu diperankeun ku Jupe alias Julia Perez, Suster Keramas, atawa Hantu Puncak Datang Bulan.

Ceuk kabar nu teu bisa dipercaya deui, cenah engke mah malah bakal didatangkeun artis esek-esek ti luar. Eta artis nu bakal maen film di urang teh, ngahaja diondang ti Uganda jeung Zimbabwe. Maranehna rek maen film: Transformers Menggelinjang, Pocong VS Kingkong, Hantu Cantik dalam Odong-Odong, Ketika Hulk Putus Cinta, jeung Kalongwewe Terjebak Facebook.
© Abah Amin

Follow: