Bisnis Multilevel Marketing (MLM)

Si Juhro jeung si Udeng keur huleng jentul di pos ronda. Da manehna duaan mah kaasup pengangguran profesional. Unggal poe ngan kitu wae kahirupanana teh. Sabot keur kitu, datang Jang Omod make motor anyar, dangdanan necis jeung baju gayana ginding.

"Wah, hebat euy maneh mah ayeuna Mod. Katingalina geus sukses yeuh gawe di kota teh! Cik atuh ajakan kuring jeung si Udeng yeuh neangan pagawean. Bosen nganggur wae," ceuk si Juhro.
"Heueuh atuh Mod euy! Hayang ngasaan kumaha meunang duit sorangan!" si Udeng milu mairan.

Si Omod nyetandarkeun motorna. Tuluy milu diuk.
"Yeuh, kuring mah teu bisa ari ngajak gawe mah. Komo jadi karyawan. Kuring mah di kota gawe sorangan. Hasilna nya kumaha sorangan, gumantung usaha urang. Maraneh daek jadi downline urang?" tanya si Omod.
"Oooh, maneh teh gawe bisnis Multilevel marketing euy? Bae lah sugan bisa dicobaan di lembur euy!" ceuk si Juhro kapincut hayang miluan bisnis MLM.
"Uing ge sarua lah. MLM naon euy? Ngadagangkeun obat, kosmetik, atawa produk naon?" tanya si Udeng.
"MLM nu uing mah beda jeung nu lain euy. Maraneh daek jadi downline urang? Bisnis MLM-na mah loba: MLM nyegik, MLM odong-odong, MLM duit palsu, MLM narkoba, jeung MLM nyadiakeun pembantu rumah tangga! Daek?"
"Beuh! Silaing mah. Sakalian we MLM korupsi, MLM nyulik budak, atawa MLM ngabeledugkeun bom!" ceuk Juhro bari ngajengkat, dituturkeun ku si Udeng. © Abah Amin

Follow: