Tragedi Jang Icham Apel Munggaran
Malem Minggu, cenah baheula mah katelah istilah wakuncar... alias waktu kunjung pacar. Tah, katingal Jang Icham hulang-huleng. Jigana aya kahayang teu kedal. Ningali kitu, Jang Vitman salaku sohib ngarasakeun nu tumiba kana manah sobatna. Bener, Jang Icham teh keur kapentang asmara ka Neng Cici, dulurna Jang Vitman. Eta oge panan bisa diwawuhkeun gara-gara Mak Comblangna Jang Vitman.
Vitman: "Geus lah ngaku Cham! Ilaing keur kapentang asmara nya ka dulur uing? Duriat teu kasalurkeun? Geus atuh eta kecengan teh cobaan datangan. Kali-kali mah apelan ka imahna. Keun ku uing dianteur ka imahna. Tuh motor mah ngajugrug teu dipake."
Icham: "Ah, nyaho wae maneh mah, Man! Daek kitu maneh nganteur urang? Tapi asa era keneh euy rek datang ka si manehna teh. Jaba can SMS atawa nelepon. Maenya jug langsung nganjang wae ka imahna?"
Vitman: "Euh, maneh mah! Jantan atuh jadi lalaki teh. Karek ge apel geus epes meer."
Icham: "Nya lah! Sok kuring wani. Tapi kudu mawa naon nya alusna keur nu dianjangan?"
Vitman: "Geus meuli heula pahogieun we: martabak, nasi goreng, roti bakar, jeung pisang keju!"
Ahirna Icham satuju. Manehna barang beuli keur bawaeun ka si yayang. Geus beres, langsung ngabiur ka beh kulon. Nepi ka nu dijugjug, geuningan sepi. Icham ngan bisa ngahuleng.
Vitman: "Ah, lain milik euy Cham maneh mah. Poho... tadi beurang Neng Cici nga-SMS ka urang. Cenah manehna jeung kulawargana mudik heula ka imah bapana di kampung!"
Icham: "Naaaaaa.. ari ilaing atuh euy lain ngomong titadi!! Atuh ieu kumaha bawaan? Cape-cape meuli sagala kadaharan!" (Icham kuciwa luar bisa)
Jang Vitman ngan pati nyerengeh. Sabab siasat manehna jalan. Eta bungkusan martabak nepi pisang keju... geus siap jadi santapan. Icham langsung diajak balik. Geus nepi imah, eta kabeh nu tadi dibeuli langsung dipurak. Wareg!! Ari Jang Icham? Ngan bisa bimoli... bibir monyong lima senti!
Vitman: "Geus lah ngaku Cham! Ilaing keur kapentang asmara nya ka dulur uing? Duriat teu kasalurkeun? Geus atuh eta kecengan teh cobaan datangan. Kali-kali mah apelan ka imahna. Keun ku uing dianteur ka imahna. Tuh motor mah ngajugrug teu dipake."
Icham: "Ah, nyaho wae maneh mah, Man! Daek kitu maneh nganteur urang? Tapi asa era keneh euy rek datang ka si manehna teh. Jaba can SMS atawa nelepon. Maenya jug langsung nganjang wae ka imahna?"
Vitman: "Euh, maneh mah! Jantan atuh jadi lalaki teh. Karek ge apel geus epes meer."
Icham: "Nya lah! Sok kuring wani. Tapi kudu mawa naon nya alusna keur nu dianjangan?"
Vitman: "Geus meuli heula pahogieun we: martabak, nasi goreng, roti bakar, jeung pisang keju!"
Ahirna Icham satuju. Manehna barang beuli keur bawaeun ka si yayang. Geus beres, langsung ngabiur ka beh kulon. Nepi ka nu dijugjug, geuningan sepi. Icham ngan bisa ngahuleng.
Vitman: "Ah, lain milik euy Cham maneh mah. Poho... tadi beurang Neng Cici nga-SMS ka urang. Cenah manehna jeung kulawargana mudik heula ka imah bapana di kampung!"
Icham: "Naaaaaa.. ari ilaing atuh euy lain ngomong titadi!! Atuh ieu kumaha bawaan? Cape-cape meuli sagala kadaharan!" (Icham kuciwa luar bisa)
Jang Vitman ngan pati nyerengeh. Sabab siasat manehna jalan. Eta bungkusan martabak nepi pisang keju... geus siap jadi santapan. Icham langsung diajak balik. Geus nepi imah, eta kabeh nu tadi dibeuli langsung dipurak. Wareg!! Ari Jang Icham? Ngan bisa bimoli... bibir monyong lima senti!
Follow:
