Hanas Agul
Aya manajer nu katelah sombong pisan. Hiji waktu kantorna pindah. Kantorna lumayan gede jeung fasilitasna lengkep. Manehna diuk di rohangan nu panggedena tibatan nu lain. Panyakit ngagul-ngagul diri bijil waktu aya pamuda nu asup kana rohanganna. Manehna nyangka, ieu pasti pamuda nu rek ngalamar di kantorna. Eta si pamuda diantepkeun sakepan. Si manajer hayang katangar. Manehna ngangkat telepon nu aya luhureun mejana. Si Manajer api-api nelepon bosna....
"Hallo! Oh, m
uhun Pa. Proyek 2 M tea pasti tembus Pa. Tenaaang, sagalana ku abdi mah pasti beres. Ok..ok Pa!" manehna ngomong na telepon jiga nu heueuh. Geus nutup deui telepon manehna semu seuri ngarendahkeun, bari tuluy nanya ka eta pamuda:"Aya perlu naon Jang? Rek wawancara gawe?" tanya si manajer ka pamuda nu titadi ngajentul hareupeunna.
Eta pamuda ngajawab:
"Euh, punten Pa abdi tehnisi ti Telkom. Bade masang kabel telepon. Kaleresan sadaya telepon di kantor ieu sadayana pareum keneh, da nembe ngadamel sambunganna. Ayeuna jaringan telepon bade diaktifkeun heula ku abdi." © Abah Amin
Follow:
